Бір істің басы-қасында жүру арқылы бүге-шүгесін біліп қана қоймай, зор беделге жетуге болатынын осыған дейін де талай адам дәлелдеп кеткен. Айтыс десе Жүрсін Ерман ағамыздың есімі ел есіне бірден келетін болса, жайдарман десе Есен Елеукенді ауыздарынан тастамайындар жүрген жерінде мақтап жатады. Бұл ағаларымыздың еткен ерен еңбектері мен баптап шығарған шәкірттері бүгінде биіктерден көрініп жүр.
Бұл уақытқа дейін өз отауын сайлап үлгерген жайдарман жастардың сүйіп көретін бағдарламасы болумен қатар, олардың сахнаға шығуға деген құлшынысын арттырды. Осы әзіл әлемінен түлеп ұшқан талай жүйрік армандарына бастар жол жайдарман болғанын жарыса жеткізеді. Солардың ізін жалғап келе жатқан "АЭСА" командасы да сапалы әзілдерімен көрерменді баурап алды.