Бастық шопырына:
- Мына 10 сомды ал да, вокзалға барып енемді күтіп ал.
- Егер ол кісі келмей қалса ше?
- Онда сүйіншісіне тағы да 10 сом аласың.
Күйеуі әйеліне:
- Ойпыр-ай, телефонмен бір сөйлессең, кемінде бір сағат сөйлесуші едің, мынауыңды бар-жоғы жиырма минуттың төңірегінде шиырлап тастадың-ау, аманшылық па, әйтеуір?!
- Басқа нөмірге түсіпті...
Үлкен дүкеннің бастығы орынбасарынан сұрап отыр:
- «Бізге түнгі қарауыл керек» деп хабарландыру бермеп пе едік газеттерге?
- Бергенбіз.
- Нәтиже бар ма?
- Бар... түнде бізді тып-типыл етіп тонап кетті.
Сот үкім шығарар алдында ұрыға:
- Ұрлық қылғаныңда ана үйіңдегі өлмелі шешеңді бір сәт ойладың ба? – дейді кіжініп.
- Ойлағанда қандай... бірақ ол жерде ол кісіге лайықты еш нәрсе болмады...
Базарға жиналған Эминге әйелі екі бес сомдық беріп:
- Бес сомның біріне - май, екіншісіне – ірімшік сатып әкел, - дейді.
Базарға кеткен Эмин бір сағаттан кейін қайта оралып, әйеліне:
- Бәйбішем-ау, сен маған бес сомдықтың қайсысына май, қайсысына ірімшік алу керектігін айтпапсың ғой, - дейді.
Біреу көршісіне мақтанып:
- Менің итім газет оқи алатын болды, - депті.
Сонда көршісі:
- Мен оны білемін, маған ол туралы итім айтқан болатын... – депті.
Тыңшы әскерлердің аспазынан:
- Неше адамға тамақ пісіресің? – деп сұрапты.
- Айта алмаймын, ол әскери құпия.
- Ыдыс-аяқ жуу қиын шығар?
- Қиын болмағанда! Алты жүз елу тарелка мен қасықты жуып көр, сен!
Бас киімін адам көргісіз етіп былғап келген баласына шешесі ұрса бастайды. Ол төмен қарап міңгірлеп болған жайды баяндады.
- Ана балалар кінәлі, тәп-тәртіпті-ақ, түп-түзу үйге келе жатыр едім, шәпкімді тартып алып футбол ойнай жөнелді.
- Сен не істедің?
- Қақпада тұрдым.
Құрастырған: С.Сапаров
Оқи отырыңыз:
Ол не дейді? (Езутартар)
Көңілге қонымды әзілдер
Бала үнсіз қалған кезде не бүлдіреді?
Дәрігерге барсаң тексеріліп бар! (әзілдер)
Дайындаған: Нұрбол Нұрмаханұлы
Сурет: www.goodfon.ru