"Әр әзілдің түбінде бір шындық бар" демекші, күліп тұрып-ақ арғы ойын жеткізе білетіндер бар. Күлдіремін деп күлкіге қалатындар да бар. Бір сөзбен айтқанда, "күлдіре білу – өнер, күлкіге қалу – өлім". Назарларыңызға қызықты әзілдер топтамасын ұсынамыз.
Бокс үйірмесіндегі алғашқы жаттығудан кейін жаттықтырушы жас баладан сұрайды:
– Сұрағың бар ма?
– Иә. Бұл жерде сырттай оқу бөлімі бар ма?
***
Әйелдер тазалықты сүйеді. Әсіресе, күйеуінің қалтасын тазалап қойғанды...
***
Автобустағы қыз өзінің аяғын басып кеткен жігітке бар пәрменімен айқайлады:
– Хайуан!
– Танысқаныма қуаныштымын!
***
Бастық: Аузыңдағы темекіні таста!
Қызметкер: Басеке, бұл темекі емес, қарындаш.
Бастық: Мейлі, не болса да! Жұмыс уақытында темекі де, қарындаш та шегуге болмайды.
***
МАИ қызметкері жоғары жылдамдықпен келе жатқан жүргізушіні тоқтатып:
– Бұл жерде 40-тан асуға болмайды. Сіз 80-мен кетіп барасыз ғой. Қайда асығып барасыз?
– Сізге мына ақшаны әкеле жатыр едім.
***
Мен саған неше сағаттық баяндама дайында деп тапсырма беріп едім? - деп ашуланыпты аудан әкімі көмекшісіне.
– Бір сағаттық.
– Ал мен оны үш сағат оқыдым ғой, ә?
– Енді былай... не етіп... үш сағат оқыдыңыз, иә...
– Айта бер, жасқанба!
– Байқамай... сізге үш данасы кетіп қалыпты.
***
Бір байдың әйелі күтуші қызды жұмыстан шығарып жібереді. Әлгі қыз есіктен шығып бара жатып, босағада жатқан екі итке тиын-тебен тастайды. Сонда әлгі байдың әйелі:
– Мұныңмен не айтпақсың? –деп сұрайды.
– Бұлар мен жуып үлгермеген ыдыс-аяқты жалап, маған үнемі көмектесіп тұратын, - деген екен.