Құрметті оқырман, бүгін біз сіздерге бейсенбілік көңіл-күй сыйлау мақсатында ащы шындыққа толы әзілдер топтамасын ұсынбақпыз. Қабыл алыңыздар!
* Егер адаммен қарым-қатынасыңызды тез үзгіңіз келмесе, оның өтірік айтуына кедергі жасамаңыз.
* Ұлы адам өзін ешқашан «Ұлы адаммын» деп айтпайды. Мысалы мен «Ұлымын» деп айттымын ба?
* Әйелдің логикасы қызық дүние: ұрысып-ұрысып алады да, сосын не үшін ұрысқанын өзі білмей отырады.
* Өзімшілдер – өте мейірімді адамдар. Олар айналасындағы адамдарға жамандық ойламайды. Жамандық былай тұрсын, олар айналасындағылар жайлы мүлде ойламайды да.
* Өз өміріңдегі сайқымазақтар мен басқа да хайуанаттарды босат. Цирк гастрольдік сапарын жалғастыруы керек.
* Адам өз төсегінен басқа жұмсақ ойыншық жоқ екенін білген күннен бастап есейеді.
* Әлемді қалай билеудің сырын білетіндердің бәрі таксист болып кеткені өкінішті...
* Жігіттердің көбі «егер сүйген қызымыздың көңіл-күйі болмай жүрсе, бір проблемасы бар шығар» деп түсінеді. Шындығына келгенде, қызыңның көңіл-күйі болмай жүрсе, проблема – сенде.
* Біреудің жасаған жамандығын ұмытып кет дейсің! Қызық екенсіңдер өздерің! Біреудің тер төгіп, уақыт бөліп жасаған жамандығын қалай ұмытуға болады. Ұмытып кетсем, ұят болмай ма? Бұл да еңбек қой!
А. Әбілхан