Ең сенімді көліктердің тізімі жасалды

Америкалық зерттеушілер әлемдегі ең сенімді көліктердің тізімін жасап шығарды. Сарапшылар көліктердің бұл көрсеткішін 2012 жылы көлік жөндеу орталықтарының көмегіне жүгінген 100 көлікті тексеру нәтижесінде есептеген. Зерттеуге 37 мың автокөлікші қатысқан. 

Зерттеу қорытындысы бойынша, АҚШ-тағы ең сенімді көлік болып Lexus маркасы танылды. 2012 жылы осы брендтің 100 данасында 71 рет қана техникалық көмек көрсетілген. Екінші орынға 100 көлікке 94 сынық көрсеткішімен Porsche көлігі орналасты. Үшінші орында Lincoln және Toyota брендтері. Сарапшылардың есептеуі бойынша, олардың 100 данасына 112 мәрте жөндеу жасалған. Ал ең сенімсіз көлік ретінде 100 көлікке 220 шағым нәтижесімен Land Rover көлігі танылды.

Жалпы орта есеппен 100 көлікке 126 сынық тіркелген екен. 

J. D. Power and Associates компаниясы түзген автокөліктердің сенімділік рейтингісі

Дайындаған: Болат Қосмағамбет

сурет: autonews.autoua.net