Тоқаев Абайдың 175 жылдық мерейтойына арналған шығындарды қысқартуды тапсырды

Президент Қасым-Жомарт Тоқаев Абай Құнанбаевтың 175 жылдық мерейтойын тойлауға ақша жұмсау мәселесін бақылауды тапсырды.

Шығыс Қазақстан облысының әкіміне қарата айтқан сөзінде Тоқаев Абайдың 175 жылдығын мерекелеуге жоспарланған шығындарды азайту керек екенін атап өтті.

“Қажеті болса бөлінген қаржыны қысқарту керек. Ысырапшылдыққа жол бермеу қажет, той деген тойлау үшін емес, бәрімізге толғау үшін керек. Сондықтан бұл шараларда ұқыптылық болу, яғни шектен тыс концерттерді ұйымдастырудың қажеті жоқ. Шетелдік әртістерді тарту қажет емес. Демеушілік қаржы бөлінгеннің өзінде, ысырапшылдыққа жол бермеу қажет. Менің ойымша, осы шараларды іскерлік тұрғыда өткізуге болады. Сіз әкімдердің арасында ең тәжірибелі адамсыз. Осы орайда, Абайдың 175 жылдығын атап өту аясында ұйымдастырылатын барлық шараларды мұқият пысықтап шығыңыздар”, - деді Президент.

Президент іс-шаралардың практикалық маңызы болуы мен идеологиялық ауыртпалықты көтеруі керек екенін атап өтті. “Осы  жағын ойластырып, іс-шараларды ұйымдастыру керек”, - деп түйіндеді Қасым-Жомарт Тоқаев.

Бұған дейін, Абай Құнанбаевтың 175 жылдық мерейтойын атап өту үшін үш миллиард теңге жұмсау  жоспарлаған еді.