«Реалдың» Ди Марияны сатуының бір себебі айтылды

Каталондық «Барселона» клубының экс-футболшысы және бапкері Карлес Рексач мадридтік «Реалдың» Анхель Ди Марияны «Манчестер Юнайтедке» сатуының бір себебін оның келбетімен түсіндіріп отыр. Ол бұл туралы «Independent» басылымына берген сұқбатында мәлімдеген.

Жазғы трансфер кезеңінде «корольдік клуб» үздік ойыншыларының бірі – аргентиналық Анхель Ди Марияны ағылшындық «Манчестер Юнайтедке» сатқан болатын. Мұны өзге клуб жанкүйерлері түгіл, «корольдік клуб» қолдаушылары да күтпеген еді. Нәтижесінде бұл ауысымның себебі жұмбақ қалпында қалған-ды.

- Флорентино Перес әлемдік аренада «корольдік клубтың» барлық тұрғыдан алда тұрғанын қалайды, - дейді Карлес Рексач. Ол футболшылар мен бапкерлердің сырт келбетіне де баса мән береді. Мәселен, бұрынғы бапкер Висенте дель Боске мен Анхель Ди Мария сол үшін клубтан кетті. Олардың сырт келбеті аса сұлу емес еді. Есесіне Тони Кроос пен Хамес Родригес «Реалға» алдырды. Олардың түрі аргентиналық ойыншыға қарағанда тартымды екені анық, - деген «Барселона» клубының экс-футболшысы және бапкері.

Айта кетейік, Анхель Ди Мария «Реалдан» «Манчестер Юнайтедке» 2014 жылдың тамыз айында алмасқан еді. Трансфер құны 60 миллион фунтты құраған-ды. Одан бергі аралықта «қызыл сойқандар» сапында 19 ойынға қатысып, 3 гол соқты.  

Сурет:xsport.ua

Оқи отырыңыз

Хамес Родригестің әйелі бетіне пластикалық ота жасатты

Чемпиондар лигасы. «Реал» «Баварияның» рекордын қайталады

Роналду 600-ші ойынында алаңнан қуылды (видео)

Испан басылымдары Роналдуға «қалыңдық» іздей бастады