BT Sport телеарналар желісі қазақстандық кәсіпқой боксшы Геннадий Головкин мен мексикалық Сауль Альварестің ең таңдаулы 5 нокаутын тізіп шықты. Екі боксшы арасындағы екінші жекпе-жек 15 қыркүйек күні Лас-Вегастағы T-Mobile аренада өтеді. Алғашқы кездесуде бір-бірімен тең түскен болатын. Алдағы жекпе-жекте отандасымыз чемпиондық атағының барлығын қорғайды. Сондай-ақ иесіз тұрған The Ring чемпиондық атағы мен WBC ұйымының арнайы белбеуі де жеңімпазға табысталады. GGG мен Канело арасындағы жекпе-жек өтетін бокс кешін Qazaqstan мен QazSport арналары тікелей эфирде көрсетеді. Айта кетейік, былтыр Obsessed Генаның 25 үздік нокаутпен жеңіске жеткен сәтін топтастырған болатын.