Қазақ футболы тарихында тұңғыш болып Еуропа лигасының плей-офф кезеңіне шыққан Астанаға қай команда қарсылас атануы мүмкін? Осы жайында айта кетсек. Чемпиондар лигасы мен Еуропа лигасының жеребе тастау рәсімі11 желтоқсанкүні Швейцарияның Ньон қаласында өтеді. Осы кеште 1/16 финалдағы Астананың қарсыласы да анықталады. Еуропа лигасының плей-офф кезеңіне жолдама алған 32 команда екі себетке бөлінген. Еленгендер қатарына топтық кезеңде бірінші орын алған және Чемпиондар лигасынан шығып қалған үздік командалар енген. Астана екінші себетте орналасқан. Астанаға қарсылас атануы мүмкін командалар:Арсенал (Англия), РБ Лейпциг (Германия), Аталанта, Лацио, Милан (үшеуі де - Италия), Вильярреал, Атлетик, Атлетико (үшеуі де - Испания), ЦСКА, Зенит, Локомотив (үшеуі де - Ресей), Спортинг, Брага (екеуі де - Португалия), Динамо Киев (Украина), Зальцбург (Австрия), Виктория (Чехия). Елордалық команда топта Вильярреалмен ойнағандықтан, бір-бірімен кездеспейді. Боруссия Дортмунд (Германия), Наполи (Италия), Реал Сосьедад (Испания), Лион, Олимпик Марсель, Ницца (екеуі де Франция), Спартак(Ресей), АЕК (Грекия), Копенгаген (Дания), Партизан, Црвена Звезда (екеуі де - Сербия), Лудогорец (Болгария), Селтик (Шотландия), Стяуа (Румыния), Эстерсунд (Швеция) командалары Астанамен бір себетте орналасқан. Бір-біріне қарсылас атанбайды. Екінші себеттегі командалар бірінші ойынды өз алаңдарында өткізеді. Астана топтағы соңғы ойында Славияны ұтқаннан кейінУЕФА-ның клубтар рейтингінде5 орын жоғарылап, 20,750 ұпаймен 67-орынға табан тіреді. Ал биылғы еурокубоктағы табысы8 миллион 180 мың еуронықұрап отыр.