Халықаралық спорттық зерттеу орталығы (CIES) әлемдегі ең қымбат футболшылардың рейтингін жариялады. Бұл тізімде Англия ұлттық құрамасы мен Тоттенхэм футбол клубының шабуылшысы Харри Кейн көш бастап тұр. CIES ағылшындық футболшыны әлемдегі ең қымбат футболшы ретінде танып отыр. Трансферлік құнын 201 миллион еуроға бағалаған. Әлемдегі ең қымбат футболшылар рейтингінде екінші орынға Неймар орналасқан. Бразилиялық футболшы өткен жылы көш басында еді. CIES футболшының құнын 195,7 миллион еуроға бағалаған. Үштікті тағы бір ПСЖ клубының ойыншысыКилиан Мбаппе түйіндеп тұр. Оның трансферлік құны 186,5 миллион еуро көлемінде екен. Ал Месси төртінші орынға жайғасқан. Мадридтік Реалдың үздік шабуылшыларының бірі Криштиану Роналду бұл рейтингте бар болғаны 24-орынға жайғасқан. CIES португалдық шабуылшы өзге командаға ауысар болса 103,4 миллион еуроға бағаланады деп топшылап отыр. Олай болса әлемдегі ең қымбат футболшылардың жүздігімен таныс бола отырыңыздар.
