Футболдан ағылшын премьер-лигасы әлемдегі ең тартысты ішкі біріншіліктердің бірі. Трансфер кезеңінде де жанкүйерлердің назары Англияға ауады. Жақында британдық Daily Mail басылымы 2014 жылдың ең сәтсіз трансферлерінің рейтингін жариялады.
2014/2015 жылғы маусымдағы ағылшын премьер-лигасындағы ең сәтсіз трансферлер рейтингінің көшін «Ньюкасл» шабуылшысы Эммануэль Ривьер бастап тұр. Ол клуб сапында 15 ойынға ғана қатысып, 2 гол соққан. Екінші орынға Эльяким Мангала («Манчестер Сити») орналасса, үшінші орынға Рио Фердинанд (КПР) есімі жазылыпты. Британдық басылым жариялаған рейтингтегі ойыншылар командасында әлі өз ойын өрнегін таба алмай жүргендер. Алдағы трансфер маусымында бұл ойыншылар өзге клубқа ауысып кетуі де ғажап емес.
Ағылшын премьер-лигасындағы (2014 жыл) сәтсіз трансферлер рейтингі:
1. Эммануэль Ривьер («Ньюкасл»)
2. Эльяким Мангала («Манчестер Сити»)
3. Рио Фердинанд (КПР)
4. Радамель Фалькао («Манчестер Юнайтед»)
5. Мауро Сарате («Вест Хэм»)
6. Марио Балотелли («Ливерпуль»)
7. Гарет Барри («Эвертон»)
8. Анхель Ди Мария («Манчестер Юнайтед»)
9. Рики Ламберт («Ливерпуль»)
10. Фернандо («Манчестер Сити»)
Сурет: anfield.info