Үш әңгіме
![Үш әңгіме](/userdata/blog/blog_2981/photo.jpg)
блог
Әңгіме 1
Бүгін радиодан бағдарлама тыңдадым. Толық тыңдай алмаған себептерім бар-тын, сондықтан тікелей эфирге шыққан тыңдармандардың ой-пікірін білу мүмкін болмады. Тақырып - өтірік айту. Иә, кім өтірік айтамын деп андағайласын? Сыпайылығын жиып қойып, құқайын көрсетіп жүрген базардағы халық радио тыңдамайды екен. Тыңдаса қане? Әйтеуір бір жақсы кейіпкерлер жиналып, діндарлығын көрсетіп, ғибратты әңгіме жүргізіп жатыр. Өйтпесін, сөйтпесін дегеннен аулақпыз. Тек, сондағы бір алпысты алқымдап қалған (даусына қарағанда...) атамның сөзі сүйектен өтті. Жүйелі сөз жүйесін тапқан.
"Мен - өтірікшімін!" деп бастады әлгі атай. Неболдыласқан кейіпте құлақ түре қалған біздің көңіл алабұртып, артын күттік.
- Менің немерем де, балам да, басқасы да біздің тілді (қазақ тілін айтады) мойындамайды. Мені адам екен демейді де ғой!
Сіз не ұғар едіңіз? Не сезер едіңіз? Біз қиын жағдайда қалдық. Рас қой, барлығы демесек те, көбінің қазақ тілін білуге деген ынтасы ырзық әпермей отыр.
Әңгіме 2
Facebook деген әлеуметтік желі бар. Сіз де жақында ғана тіркеліп, данагөйдің қалпында онда ара-тұра жазып тұратын шығарсыз. Сонда да жоғарыдағыдай мәнде жазба оқыдым бүгін. ҚазҰУ-да Халықаралық журналистика мамандығының қазақ бөлімі (қазақ тілі тобышығар) болмай шығыпты. Соған ащынып, кіжініп отырған жазба иесінің сөзі де рас қой. Орыс, ағылшын тілінде бәрі...
Одан қалса, abai.kz-ті ашқаным сол, Қазақ тілі екінші сортты тіл ме? деген мақала бақырайып шыға келді.
http://abai.kz/content/kazak-tili-ekinshi-sortty-til-me
Әңгіме 3 (артық)
Көлікте үш жігіт отырмыз.
- "Ақын және жарнама" деген тақырып...
- (Көп ойлар айтылды, ұмыттым...) Қазақ поэзиясының жарнамаға жалынышты болғаны қиын ғой. -
Ендеше, әлемдік деңгейде қазақ поэзиясы қашан...
- Басты нәрсе - талант..!
Біздің ой - біздің оймақ секілді сандықтың бір бұрышында жатып қалмаса екен дейміз. Басқа дәме жоқ...
Сурет: Джумадурда Д. «Ой» иллюстрациясы