Туған өлкем - Кәукейім

Кәукейім, арайлы елім, киелі елім,

Өзіңсің асқар таудай сүйенерім.

Өзіңнен ұшқан талай шартарапқа,

Сүйеді анасындай өрендерің.

Ауылдан кетсең-дағы алыс жырақ,

Сағыныш – жүректегі үлкен сұрақ.

Топырағыңды иіскемей құмарланып,

Көңілдер көншімейді-ау, сірә, бірақ.

Ұрпақпын сенде туып, өзіңде өскен,

Баураған жан дүниемді самалы ескен.

Барында Туған жерім – мен бақытты,

Ешқашан шығармаймын думанды естен.