Тезірек тұрмысқа шыққым келеді немесе внимание жетіспей жатыр...

Қазіргі таңда үйленуге ұсыныс білдірудің өзі небір фантазиялардан туындап жатыр. Бір жігіттер 101 роза немесе көптеген қымбат дүниелер сыйлап жатса,эстрада әншілерінің концертіне барып ұсыныс жасап жүрген батыл жігіттер де кездеседі. "Көрпеңе қарай көсіл",-демекші, кім болсада ең алдымен өз қаражатына қарайды ғой. Дегенмен, осынау керемет күн сүйгенінің есінде мәңгі қалса екен дейді. Жарайды, осындай жағдайларға куә болып, құлағымыз үйреніп кеткен. Ал, енді кешегі жағдай ше?...Бұл жолы ер бала емес, жас қыз өз жігітіне, иә, иә қыз жігітке үйленуге ұсыныс жасады. Қазіргі қыздар үйленуге асығып жүр ме немесе бұл хайптың жаңа бір түрі ме деген ойлар ойымды мазалады. Бұл оқиға бірден желі беттеріне шыққандықтан, көбі дерлік жағымсыз пікірлер қалдырған. "Осы ісінен кейін жігіт оған үйленбейді ғой", "Масқара, жастарымыз қайда бара жатыр", "Қыздар-ау, намыстарыңды таптатпасаңдаршы"-деген түрлі-түрлі пікірлер кездеседі. Жалпы бұл көзге тым ерсі көрінеді екен. Біз Европа емеспіз. Осындай нәрселерге өз менталитетіміз жібермейді. Сол себепті де қыздар, ойланыңыздаршы...

Ал, қазір сіздерде маған "Несі бар екен, өздері біледі-ғой" деп те жазуларыңыз мүмкін. Біздікі тек жай ойымызбен бөлісу ғой...

Жастар, бақытты болсын!