Тәлім (байқау)
блог
Дүниеден өмірім бітіп өтсем де өзім,
Аралап жердің жүзін жүрер сөзім.
«Көре алмай кейінгіні кеттім-ау» деп
Арманда болмай-ақ қой екі көзім!
Бұл керемет өлең жолдарын нық сеніммен айта білген - артына өшпес мұра қалдырып, бүкіл шығыс елінің дәстүрін бойына молынан сіңірген, қазақ поэзиясын түр, мазмұн жағынан дамытқан Сыр елінің дүлдүл ақыны - Тұрмағамбет Ізтілеуов.
Әйгілі шығыс алыбы Әбілқасым Фердаусидің "Шаһнамасын" қазақ тілінде еркін аударма жасап (40 мың жол), жариялаған. Орта Азия халықтарының мәдениетінен жоғары орын алған бұл эпопеяны Т.Ізтілеуов 1936 жылы аударып бітірген. Бұл шығарманы М.Әуезов, С.Сейфуллин, Т.Жүргенов, т. б. жоғары бағалаған.
Жоғарыда атап өткендей қазақ поэзиясына мазмұн, түр алып келген рубаилары мен мысалдары. Ақынның мұнан басқа да көптеген өлеңдері, дастандары мен қиссалары баршылық. Солардың бірі "Тәлім" атты өлеңі. Бұл өлеңді "Тұрмағамбеттің шалқымасы" деп атайды. Әр жолында өзіндік тәлім-тәрбие жатқан бұл өлеңді термеге қосып та айтады. Ендеше, менің орындауымдағы "Тәлімді" қабыл алыңыздар!
Бұл менің үйреніп жатқан екінші термем. Келесі термелерімді асыға күтіңіздер!