Теміржол

ТЕМІРЖОЛ

Теміржол -

Темірдей төзім мен күрсініс,

Алысқа кетуге қамданыс.

Мою мен құлшыныс,

Үрей мен таңданыс.

Теміржол -

Қоштасу,қауышу әлемі.

Қаскүнем күнәсі,жазасы.

Солдаттың сәлемі,

Ананың мазасы.

Теміржол -

Шаршатқан ойлардың үзігі,

Қаншама көңілдер қапалы.

Екеудің жүзігі,

Жалғыздың бокалы.

Теміржол -

Әңгіме мың күндік,мың түндік.

Махаббат (жүректі үгіттер).

Алғашқы мүмкіндік,

Ақырғы үміттер.

Пендеге кезігер небір жол,

Беймәлім кесірі,пайдасы.

P.S. Теміржол -

Өмірдіің айнасы.

Еркебұлан Смадияр