Күз
жеке
блог
блог
Ей, күрең күз, жарамды кеп тырнаған,
Жаз көрігін бірте - бірте ұрлаған.
Түн күннен де біршама боп ұзарып,
Жапырақтар жерде жатыр мұңдаған.
Табиғатты алтын түске бояған,
Күз де бітіп, соңына кеп таяған.
Ну орманда құстар да жоқ тыныштып,
Жан-жануар қыстың қамын ойлаған.
Аспандағы сұр түске еніп жылаған,
Ақ жауыным сылдырап кеп құлаған.
Күліп көктем келгенде келер жылы,
Жыл құстары оралыңдар дін аман.
Күз досың ғой сырларында бүкпейтін,
Жасыл жаздан үміт, сірә, күтпейтін.
Алуан түскен боялтатын даланы,
Кереметі күздің осы бітпейтін.