Халімді кім түсінер?
Тұнжыраған аспандай ажарымды,
Жасқа егілген гүлімді,
Ғазалымды,
Күте –күте кірпігім сирегенін,
Терезе алдындағы ажалымды.
Күлдім деп күлкі сұрап отқанымды,
Сені іздеумен, сүюмен тоқтарымды...
Күн бойы көрінбесең – ғасыр жоқтай,
Үстеліңе отырып жоқтарымды.
Халімді кім түсінер?
Қара түнде мұң ішіп азатыным -
Сол арудың есімінен де қашатыным
Сен ол жайлы айтқанда,
Бір сұлудың
Жүрегімде жылап өлең жазатынын.
Қызғаныш оты өртеген жүрегімді
Түсініксіз халімді... күлем – мұңлы
...Жапырақ, неге жылап жатсың үнсіз
Саған айтқан едім ғой тілегімді?!
Жұлдыз БЕЙСЕКОВА.