Данияр Елеусіновке aрнау

Рионың хақ төрінде топты жарған
Дараланып Данияр шоқтылардан
Қазақтың маңдайына жазылған ұл
Басып озды азулы мықтылардан

Үкілеп үміттерді өшірмедің
Сенімділік сендегі көш ілгері
Алашқа мәлім болып жатыр міне
Асқақтап ел мерейін өсіргенің

Намыспенен қамшылап жігеріңді
Жасымадың, ойладың тек еліңді
Олимп шыңын бағындырып ақ термен
Қарсыласты ұрып жықтың тегеурінді

Шаршы алаңда аямадың кез келгенін
Атойладың рингінде өзге елдің
Сен - Ұлансың! Данияр! Ұлы елдің
Қырандайын іле тұғын көздегенін

Төрешілер құйып жатса отқа май
Амал бермей соққыладың тоқтамай
Бойыңдағы Жеңіс үшін ақ терің
Алты Алаштың маңдайынан аққаны-ай!

Қайсар мінез бойыңды тік ұстады
Жеңісіңді жұдырықтап уыстадың
Ел сенімін ақтаған ер атанып
Көгімде желбіретіп ту ұстадың!!

(с) Автор: Бауыржан Жаңатілеу