Бақыттың татсам деп бал дәмін,
Қалайсың бағыңның жанғанын.
Ал БАҚЫТ-өзің ғой, жарқыным,
Қолдан-ақ жасап ал қалғанын.
✨
Қондырсаң, алмайтын ұшыра,
Теңеме бақытты құсыңа.
"Мен-Бақыт" деп жаз да, жай ғана,
Салып қой төсқалта тұсына.
✨
Тосындау сый болып тағдырдан,
Бір Бақыт жолықса алдыңнан.
Бәрінен бөлектеу жан болса,
Онымен дос болып ал жылдам.
✨
Ол сізді "Бақыт"деп санай ма,
Жай сұрап көріңіз, жарай ма?
"Бағым тек Бақытпен" десе егер,
Жіберіп алмаңыз қалайда.
✨
Сонан соң күрсінбе Күзде де,
Бақшадан басқа Бақ іздеме,
Ендеше, текке емес, көп те емес,
Бір Бақыт тілеймін сізге де!