"С" аллитерация
С-ағат сайын, сәт сайын, жеті сайын,
С-амалыңды сағына кеп құшайын.
С-ібірден де суықсың бір мен үшін
С-ахарасың ыстықсың Жетісайым.
С-ен туралы жазамын әр хатыма,
С-ырғып сағат кеш батып, таң да атуда.
С-елк етпестен жүрегім арман менен
С-ағым қуып келіп ем Алматыға.
С-абыламын өзіңді көргім келіп,
С-ылтау қылып алдайды сол күн де үміт.
С-ағынышты іштегі тұншықтырып
С-ырларым бар жазып жүрген том күнделік.
С-ән жарасқан шаһарымсың менің думан,
С-енің қайсар ұлың ем белін буған.
С-араңдыққа жол бермей амандастым
С-әлемімді қабыл ал, елім туған.