Қауырсынын үзіп кетіп жанымның,
Жел көшкенде мен де әнімнен жаңылдым.
Сенсіз күннің алақаны сыз тартып,
Сені ғана сағындым.
Біз емес қой айтар тағдыр байламын.
Мендік арман қайда кетті? Қайдамын?!
Бір өмір мен бір үміттің арасы.
...Сені ғана ойладым.
Өткен күндер таққандай боп бізге мін,
Мезгіл бүгін сездіріп тұр күз демін.
Күзден тағы күткен болып бір бақыт,
Мен бәрібір Сені ғана іздедім!
Ажар ЕРБОЛҒАН