Қазақстандық дзюдошылар Хорватияда жаттығып жатыр. Отандастарымыз 25 маусымға дейін жалғасатын халықаралық оқу-жаттығу жиынында шеберліктерін шыңдауда. Бұл жиын дзюдошыларымыздың алдағы маңызды жарыстарға, соның ішінде Олимпиадаға дайындалуына үлкен мүмкіндік беріп отыр.
Олимпиадаға дайындықтың алғашқы кезеңіне Абиба Абужақынова, Ғалия Тынбаева, Эсмигүл Куюлова, Камила Берліқаш және Назгүл Маратова қатысып жатыр. Олар Хорватиядағы оқу-жаттығу жиынында әлемнің әртүрлі елдерінен келген спортшылармен тәжірибе алмасып, жаңа әдіс-тәсілдерді меңгеруде. Бұл дайындық олардың халықаралық жарыстарда жоғары нәтижелер көрсетуіне ықпал етпек.
Париж Олимпиадасына үш аруымыз барады:
▪️48 кг. Абиба Абужақынова
▪️+78 кг. Камила Берліқаш
▪️Эсмигүл Куюлова (командалық).
Абиба Абужақынова өз салмағында Қазақстанның ең үздік спортшысы ретінде танылып, халықаралық ареналарда өз шеберлігін бірнеше рет дәлелдеді. Камила Берліқаш та өзінің жоғары спорттық дайындық деңгейімен көзге түсіп, ауыр салмақта ел намысын қорғайтын болады. Эсмигүл Куюлова командалық жарыстарда өзінің тәжірибесі мен шеберлігін көрсетіп, команданың жетістігіне үлес қосады деп күтілуде.
Қазақстандық дзюдошыларға Париж Олимпиадасында сәттілік тілейміз!