2002, 2004, 2007 жылдары түсірілген Сэм Рэймидің "Өрмекші Адам" франшизасының төртінші фильмі 2011 жылға жоспарланған еді. Сол фильмге байланысты жаңалықтарға көз жүгіртсек: Мұрағат:
2009 жыл, 13 қыркүйек:
Брюс Кэмпбелл "Өрмекші Адам 4" фильміне түспек. Ол Өрмекші-адамның қауқарлы қарсыласы Мистерио болып ойнамақ.
2009 жыл, 28 қазан:
Өрмекші-адамның тағы бір қарсыласы аталды. Ол Кесіртке. Курт Коннор осы фильмде қолынан айырылады. Және ол кесіртке ДНК-сын пайдаланып, қолын қайта өсіреді. Бірақ одан кейін ол Кесіркеге айналады. Оны әдеттегідей Дилан Бейкер ойнайды.
2010 жыл, 6 қаңтар:
"Өрмекші-адам 4" екі серияға бөлінбек. Осы уақытқа дейінгі үш фильмнің режиссері Сэм Рейми фильмді екіге бөлуді жөн көрді.
2010 жыл, 11 қаңтар:
Джон Малкович Қарақұсты ойнамақ. Танымал актер, Джон Малкович 2011 жылы жарыққа шығатын, "Өрмекші-адам 4" фильмінде басты супержауыздың бірі, Қарақұстың рөлін ойнамақ.
2010 жыл, 12 қаңтар:
Сэ Рейми мен Тоби Магуайр "Өрмекші-адам 4" бағдарламасынан кетіп қалды. Sony Pictures Сэм Реймиді отставкаға жіберді. Оның артынан Тоби Магуайрда бағдарламадан кетіп қалды.
2010 жыл, 14 қаңтар:
Мару Уэбб "Өрмекші-адам 4" фильмінт түсіргісі келеді. Ол бұл уақытқа дейін бірнеше комедия жанрындағы фильмдер түсірген еді.
2010 жыл, 20 қаңтар:
Марк Уэбб қабылданды. Естеріңізде болса осыдан алты күн бұрын ол Sony Pictures-ке осындай ұсыныс тастаған еді.
2010 жыл, 11 ақпан:
"Өрмекші-адам 4" фильмінің премьерасы белгілі болды. Жұртшылыққа фильм 3 шілдеде көрсетілмек.
2010 жыл, 27 мамыр:
"Жаңа" Өрмекші-адамға кастинг жарияланды. Қазіргі уақытта басты үміткерлер: Джеймс Бел, Эндрю Гарфильд, Лден Эйренрайк пен Фрэнк Диллэйн.
2010 жыл, 7 маусым:
Sony Pictures "Өрмекші-адам 4", емес "Жаңа Өрмекші-адамды" түсірмек!
Осылайша "Өрмекші-адам 4" фильмі ұмыт қалды.