***...бәріміз өзімізді қартаямыз, қарттық жасқа жетеміз, өзге жетіп жатқан 50-ге біз де жетерміз, "реті келсе" одан да асармыз деп ойлаймыз, ә... Сол оймен "ертең істеймін, ертең бастаймын" деген "ертеңі" бітпейтін істеріміз көп, ә... Сол бір ертеңіміз "бүгін" болмай қойды, ә... Сол ертеңіміз "кешеге" айналып жатқанын да сезбейміз, ә...
Біз, Адамдар, Қазақтар, Бауырлар, әр ай, күн, сағат, секунд сайын жасарып емес қартайып, жалған өмірден алыстап, өлімге бір қадам жақындап келе жатқанымызды мойындамаймыз кейде, ә... Сағаттың ұзын тілі тықылдап алға кетіп барады, кері соқпастан...соқпайды да, кері қарай жүрмейді де...
Еһ, қу тірлік... Сағым дүние... Бес күн жалған...***Қыздар, жігіттер, дұрысы - бойдақтар, жасыңыз жетіп, лайықты жан табылып жатса, басқа ештеңеге қарамастан (материалдық жағы... Алла өзі-ақ берекесін береді екен...) анаңыз бен әкеңіздің көзі тірісінде (!) үйленіп, тұрмысқа шығуға асығыңыздар!
"Көзі тірісінде (!)"...асығыңыздар...
***Кейде ауылдан шыққан "ауылбайская" болғаныма Анам тіріліп келгендей қуанамын! Рас! Ауылдан шыққан қазақ болғаныма қатты қуанамын! Аллаға шүкір! Еһ, "Ауылым-алтын бесігім"! Саған еш жер тең келмес!
***Әлдебір жерің ауырғанда барып, сенің де сондай "жерің" бар екені және ол жердің солай ауыруы мүмкін екені есіңе түсетіндей шаршауы мүмкін екен адамның... Бүгін басымның "қайда" екенін білдім...
***Телеарналарда жағымсыз жаңалықтарды айта-айта құлақты да, көзді де, сананы да үйретіп алғандары сонша, жақсы жаңалық айтылса таң қалатын болыппын. Жалғыз менде ғана ма сол таңданыс, әлде Сіздерде де сондай ма?
***Көп сөйлейтін адам болады және орынсыз көп сөйлейтін адам болады. Екеуі екі бөлек.***-Анау Бәленбай деген ше...
-Е, не бопты оған?
-Кеше ғана жүрген сияқты еді... Қайтыс болыпты...
-Ойбуй. Иманды болсын... Біріншіге қойшы, Ананди басталады...
...
...өмір жалғасуда...***...негізінде ше... намаз дұрыс...
...намаз бастау керек еді...
...намаз бастау керек...
...намаз бастау керек екен (!)...
...намазды тезірек бастау керек еді (!)...
...намаз...деп жүрген қаншама адамның басы сәждеге тиместен жаназасы оқылды...
Уақыт-сынап, бұл дүние-сынақ.
***(сүгірет ғаламтордан алынды)