«Мінезді жақсартуға өмір бойы үйреніп, күресе бер». ІІ бөлім. Көркем мінез бен жуастық.
блог
Көркем мінездің ең үлкені – өзгелердің елеп-ескеруге тұрмайтын қателік, кемшілігін байқамай өткізе білу. Ал, көркем мінез – өзгелердің нашар мінезі арқылы қалыптасады. Бастысы-кешірімді және байсалды бола алу.
Оны қалай кешіруге болады, дейсіз, бәлкім?
Ол адам маған жамандық істеді ғой? Ол мен үшін мүмкін емес!-дерсіз. Дегенмен адам баласы, бала кезінен, тумысынан кешірімді ғой. Әйтпесе, кішкентай бала есейгенде ата-анасының тәрбиелеуі кезінде ұрысқан, ауыр сөз айтқан немесе ұрған кездерін ұмытпай, өштесіп, кек алып жүрмейді ғой? Дәл сондай секілді, барынша өзгерту өз қолыңызда, әрине. Бәрібір де миллиондаған адам болса, сонша ой айтылады. Сонша пікір, іске бола әрқайсысымен арпалысып жүрмейтініңіз анық. Қажетсіз нәрсені бәрін сақтай берудің түкке де керегі жоқ екенін түсінесіз. Сіздің қолыңыздан бұл келеді. Ол сізге қарсы адам да ақыры ұғынар. Сонда, ол адамға да ондай артық ой, сөз еретіні белгілі. Мінеки, бұлар осылай бір-бірімен жалғасқан дүниелер.
Көркем мінезділер қандай жандар?Бұл мінездің пайдасы қандай?
Жек көру,өшпенділік түрлі жағдайда қалыптасқанымен, кейбір көркем мінезді адамдар да мұндай жәйт көбінесе орын ала қоймайды. Ондай адамдар, көбінесе, сырттай жуас, момын болып көрінгенімен, ашық, мейірімді, ешкімнің сөзіне көңіл аудармайды, олардың істеген ісіне де мән берместен әрдайым кешірімшілдік танытады.
Өштесу, жек көруді, өсек-аяңды жәй өткінші нәрсе ретінде қарап, ондайды мүлдем ұмытады. Адамдармен алғаш тілдескенде, бірден жаман емес, жақсы қасиеттерін іріктеп алып, байқап қалуға тырысады. Өйткені, өмірде 100% толыққанды идеал, кемшіліксіз адам, кемшіліксіз дүние болуы мүмкін еместігін біледі. Сөйтіп, барлық адамға жағымды, ашық-жарқын көңіл-күй сыйлап, әрқашан жадырап, күлімді шыраймен жүреді. Ол адамның да өзіндік қоғамда алатын орны ерекше болмақ. Өйткені, оған адамдар жамандық істесе де, кешірімді болып, бәрімен жақсы араласқасын, үнемі көпшіліктің ықыласына бөленіп, ортасында әрқашан сыйлы, қадірлі бола түседі. Ол жоқ кезде, көпшілік оны ерекше сезіммен сағынады, күтеді. Өзінен кейін қоғам, ортасында ерекше әсер қалдыратын тартымды жандар, міне, осылай жаман мінез-құлықтардан олар ада болады.
Көркем мінезді болуым үшін не істеуім қажет?
«Мен өз жауларымды дос етіп алу арқылы жеңіп кетемін»-деп, Авраам Линкольн осы даналық сөзді бекер айтпаса керек. Әрқашан «ол адам маған не істесе де, мен кешіремін, егер олар мені еш кінәсіз болсам да жек көрсе, мен оларды қайтсем де жақсы көруге, ұнамды болып жүруге тырысамын, үнемі дайын боламын!»-деген позициямен жүрсеңіз құба-құп болар. Жақсы мінезді адамдар, жымиып, нұрланып жүреді, өйткені адамдардың жалпы барлығы күлімсіреуге жаратылған. Тек адамдардың бір-біріне ауыр сөздері мен істері, жамандықтары бір-біріне әсер етуден жалғыз жаман мінез жақсының басылуына, жаманға итермелеуге біз жол бермеуіміз керек.
Сіздердің де, құрметті оқырмандар, осы айтылғанға алып-қосарыңыз бар шығар бәлкім?!
Жалғасы бар...
Дайындаған: Өтегенова Әйгерім Жаналықызы
Қосымша мәлімет алынды: Асыл арна, Айтыс-ұлттық өнер иснтасынан.