Айналайын – чудесное слово,
Жаль, что русский его не поймет.
Объяснить я готов ему снова,
Только бедно звучит перевод.
Әл-Фараби атындағы ҚазҰУ, Филология факультетінде 2021 жылы 19 мамыр күні, Жалпы Тіл білімі және Еуропа тілдері кафедрасында, Шетел тілі: Екі шет тілі мамандығының 1 курс магистранттарымен Олжас Омарұлы Сүлейменовтың 85 жыл толуына орай «Олжас Сүлейменов – ақын, қайраткер, тұлға» ашық тәрбие сағаты өтті. Ашық тәрбие сағатын кафедра оқытушылары, атап айтқанда, доцент, PhD докторлары К.С.Алдашева, Р.Ж.Қондыбаева, Д.М.Койшигулова ашып, іс-шараның маңыздылығы мен өзектілігін атап өтті.
Ашық тәрбие сағатты магистрант Жазира Мусаеваның баяндамасымен жалғасты. Баяндамада Олжас Омарұлының өмірі, шығармашылығы, ақындық болмысы мен қазақ жеріне қосқан елеулі еңбегі жайында сөз қозғалды.
Олжас Сүлейменов орыс тілді қазақ ақыны, тілтанушы, саясаткер, ядролық қару-жарақтарды жаппай қолдануға қарсы тұрушы, Төтенше және Өкілетті Елші, Қазақстанның Еңбек Ері. Олжас Сүлейменовтің қайраткерлігі – өз алдына бір төбе. Оның 1989 жылы «Невада-Семей» антиядролық қозғалысын құрып, Семей жерінде ядролық сынақтарды тоқтату туралы бастама көтеруі халық тарапынан үлкен қолдау тапты.
Олжас Сүлейменов — маңызды әрі теңдесі жоқ тұлға. Оны ақынның әдеби еңбектерінің жоғары деңгейде бағалануы ғана дәлелдеп қоймайды. Оның ақындығы тек қана Қазақстанның аумағында емес, сонымен қатар алыс елдер де жазылады. Олжас Омарұлының шығармашылығына өз пікірін білдірушілер ТМД, Кіші Азия, Париж, Күнгей Кавказдан Германияға дейін жетті. Олжас Сүлейменовтың өлеңдері мен дастандары ағылшын, француз, неміс, испан, словак, болгар, монғол және түрік тілдеріне аударылған. Қазақ ақыны, әсіресе Францияда әйгілі болған, осы жерде оның әр уақытта басылып шыққан өлеңдерімен қатар ақындық жинақтары да басылып шыққан. Ақынның өлең жинақтары 100000 таралыммен жарық көріп, сол сәтте-ақ сирек кездесетін библиографиялық кітаптар қатарына еніп отырды. Ақынның өрбір жаңа ірі туындысы қызу талқыланды.
Іс-шараны магистранттар мен кафедра оқытушылары ақынның шығармашылығынан өлеңдерін жатқа оқып, қорытындылады. Әдебиет пен ғылымды ұштастырып, рухы биік шығармаларымен бүтін бір ұрпақты тәрбиелеген қаламгердің әлі де ұлтқа берері көп.
Әл-Фараби атындағы ҚазҰУ
Шет тілі: Екі шет тілі
1 курс магистранттары
Аружан Жеңіс
Жазира Мусаева