Н.....-ға

Н…..-ға

Ойға батса көңілдің түсте етегі,

Уақыт шіркін дегенің істетеді…

Көкірегіме сақталып асау сырлар,

Жұмбақ болып  барады-ау  іште тегі.

*

Тағдыр тағы көндіріп ырқына мың,

Толқындардай толықсып бұлқынамын…

Жамыраған адамдар арасынан,

Саған қарай  жетуге ұмтыламын.

*

Жақындаймын  алпауыт  үмітпенен,

Үміттен де  содан соң   күдіктенем…

Өте берем өзімше ойға оранып,

Сенің ғана қасыңнан бұғып төмен.

*

Жетелейді  мені де  сағыныш үн,

Білем соң-соң артады сағынышым…

Тал бойыңнан  балқитын тұла бойым,

Сенің көркін, ол менің жарылысым.

*

Йя…

Солай…

 Түндерде азаптаған,

Сенің ғана бейненнен ләззат табам…

Тұншықтырып, тынымсыз  тыныстатқан,

Сендік әлем  расында ғажап маған.

                                                                                            Нұрболат Досжаннан