Шын сүю қолымнан келмейді екен-ақ,
Сен мені айыптай көрмегін.
Екеуміз кезіккен екенбіз бекер -ақ,
Пікірім-ол менің.
Қолшатыр...
Қолшатыр бәріне кінәлі.
Ақталам осылай ішімнен.
Ерінің...
Еренің ұнады.
Әдемі ақ қайың мүсін ең.
Жаңбырға малынып бар денем,
Мен сені құшақтай беріппін.
Сен менің қарша қыз әрлеген,
Тым жұмбақ кеудемді еріттің.
Қолшатыр астында екі ерін,
Өбіскен жеңіп ап құмарлық.
Сәлден соң мен үйге кетемін,
Жұпарлы исіңді тұмар қып.
Көзіңде тұнып қап мұң бірден,
Жанарың мөлдіреп тұратын.
Мен сені жыр қылып үлгерген,
Әлемде алғашқы «ұлы» ақын.
Тамшылар құлайды көктен кеп,
Сейілмей бұлыңғыр бұлыт та.
Тағы бір барайық өткенге,
Қолшатырыңды ұмытпа!!!