Жұлдыздар сайты: жұлдыздарымыз не дейді сайттары не дейді?
блог
Қандай жұлдызымыз қай әлеуметтік желі де, қай сайтта бар екенін жақсы білерсіздер. Сол жұлдыздарымыздың жеке сайты бар ма? Бар болса қандай деңгейде?
Кімде, қай жұлдызда сайт бар деген сұраққа Нұр астана газетінің тілшісі біраз жауап беруге тырысыпты. Бірақ, ол кісі көрсеткен сайттардың біразы істен шығып, істемей қалғандарына біраз уақыт болыпты. Бұл мақала 2012 жылдың ортасында жазылған екен, енді жыл соңына қарай не өзгергенін, жаңа сайттарға баға бере кетейік. Ең жоғарғы көрсеткіш 5 деп алып, соған сай баға беріп шықсақ.
Ерболат Құдайбергеновтың клиптерін байқасаңыздар, бұрышында өз сайтының адресі көрсетілген. Украиналық компания жасағандықтан болар сайттың мәзірінің бәрі орыс тілінде, ішіндегі жазбалар қазақ тілінде сайрап тұр. Жалпы, сайттың стилі Ерболат айтатын ән стиліне сай келегенімен, ерекшелік байқалмайды. Бағасы: 3. Сайт мына сілтеме арқылы өте аласыз. (Алдында осы тақырыпты бастағанда сайт ашылып тұрған, менің ескертпемнен қорқып, жасайын деді ғой дедім :))).
Толқын Забированың сайты, бұрын жасалғандықтан болар дизайны адамды өзіне тартпайды. Қазақ тілді нұсқасы жайлы ойламағанда абзал, қазақтар әндерімді тыңдайды деп ойламаса керек. Бағасы: 2. Артықшылығы, өлеңдері мен клиптерін түсіріп алуға мүмкіндік бар. Сайттың соңғы рет қай уақытта жаңарғаны белгісіз.
Мюзикола тобының сайты қазақ әншілерінің ішіндегі сайттардың дизайн жағынан алғанда топ бастап тұр. Өзіндік ерекшелік пен стильдің талғампаздығы көрініп тұр. Бәрі керемет, бірақ қазақстандық әншілер екенін ұмытып кеткені болмаса. Әндері, альбомдары бәрі бар, онлайн тыңдауға ғана болады, түсіріп алу қарастырылмаған тек альбомдарды сатып алу керексіз. Әндер мен суреттер, клиптердің жариялану уақытына қарағанда 2010- жылдан кейін жаңармаған сияқты. Бағасы: 4
МұзАрт. МұзАрттың сайты соңғы жаза сәуір айында жазылған. Осы уақытқа шейін арасында саулнамалар жүргізіліп тұрған. Форум, афиша беттері және соңғы жаңалықтар жарияланып тұрады. Демек, сайт халықпен жұмыс жасап тұрады деген сөз. Әндерді онлайн тыңдап, сөзін ала аласыз ал әнді түсіріп алу қарастырылмаған. Мұзарттың тыңдармандары жасаған болуы керек, тағы бір қосымша сайтын көруге болады. Бағасы: 4.
Біздің жұлдыздар сайттарды жаңартып отыру, сайттарын қадағалап өз жаңалықтарын жазып отыруға көп мән бермейтін болып шықты. Себебі бізде, кез келген әншінің әнін кез келген сайттан көшіре аламыз. Ал жаңалықтарын әлеуметтік желілер өздерінен немесе табынушгылары (фанаттары) арқылы білуімізге болады. Кейбір әншілердің мүмкін сайты бар да шығар бірақ іздеу жүйелерінен табылмады. Бұл, әрине, сайтпен жұмыс істеу керектігін көрсетеді.
Дегенмен, кез келген адам әр әншінің сайты арқылы жеке әлемін көріп, сезінгісі келеді.