Ғашықтық туралы бір өлең

Ғашық болу,

Асық болу

бәрі де-

Әр пенденің өткен түрлі басынан

Алдау да бар

Арбау да бар

әлі де

Ажырамас бұл сезімнің қасынан

Ессіз еткен,

Көзсіз еткен 

адамды-

Айыра алмай шындықтың шын жалғанын,

Жаулап алса

Баурап алса

санаңды-

Махаббатқа тым байланып қалғаның

Уәделесіп

Қателесіп

кеткендер,

Қаншама жол жүрсе дағы арада

Көне алмай

Өле де алмай

кектенген,

Нағыз сезім ұсақталып бара ма?

Сол үшін де

Жол үстінде-

Қателеспе, анықтап ал жан-жақты

Ұсынғанға ере салу

Мұсылманға -

жат емес пе? 

Соңынан

Тістеп қалма бармақты.

сурет google.kz сайтынан алынды