Бала күнің бал күнің,
Оралмайтын шаттығың.
Биік болсын Алашым,
Ұрпағыңмен шоқтығың.
Есіңде ме балалық,
Қызығы көп шалалық.
Ұрпағыңмен өркендеп,
Тұғырлы ел болалық.
Балалы үй дәулетің,
Жарасқан әз сәулетің.
Үйдегі ұл-қыздарың,
Кеңге жаяр әулетің.
Жандану үшін сарайың,
Ұрпағыңмен толайым.
Ел болуы ұрпақтың,
Өзімізден ағайын.
Болу үшін елің нық,
Ұрпағыңа сенім нық.
Ертеңгі ел- баламыз,
Көрмесінші жетімдік.
Ұрпағыңмен жарқын-ау,
Өмір деген жол мынау.
Баламыздың бақытты,
Өзімізден халқым-ау.
Жалғас ӘЛІМҒАЗЫ.