Біздің бүкіл өміріміз-таңдаудан тұрады. Туғаннан бастап біз таңдау жасаймыз. Төсектен ерте тұру немесе жату, түскі ас ішу не ішпеу, басқа қабатқа баспалдақпен немесе лифтке көтерілу, не киюге болады және т.б. сияқты ұсақ-түйектерден бастап үлкен, маңызды таңдауларға дейін. Кейде тіпті кейбір таңдаулар біздің өмірімізді түбегейлі өзгерте алады.
Неліктен дұрыс таңдау жоқ?
Біріншіден, сіз қандай таңдау жасасаңыз да, бұл сіздің таңдауыңыз. Уильям Джеймс айтқандай: "таңдау жасау керек болғанда сіз оны жасамасаңыз да, бұл да таңдау". Жасалған таңдау сізді жаман салдарға әкелсе де, бұл сіздің жасаған таңдауыңыз. Сіз өз таңдауыңызға жауаптысыз.
Екіншіден, келесі оқиғалардың өзгеруі біздің әр таңдауымызға байланысты. Егер сіз өз бетіңізше шешім қабылдай алсаңыз да, таңдауыңыздың салдарын басқара алмайсыз. Адамның таңдау еркіндігі және күнделікті таңдау оның тағдырын қалай қалыптастыратынын анықтауға нақты мүмкіндігі бар. Сондықтан біз өз өмірімізді өзіміз жасайтынымызды есте ұстауымыз керек.
Үшіншіден, өмірде сіз басқара алмайтын көптеген мүмкін нәтижелер бар. Өйткені, сіз таңдау жасап, оны ойластырғаннан кейін ғана оның дұрыстығын түсінесіз. Егер салдары сіз үшін жақсы болса, онда сіз өзіңіз үшін дұрыс таңдау жасадыңыз.
Қорытындылай келе, үнемі дұрыс таңдау жасау сізді әрқашан бақытқа жетелей алмайды. Менің ойымша, шешім қабылдауға қатысты дұрыс немесе бұрыс жауаптар жоқ. Сондай-ақ, әрбір шешім сізге жүру керек жолды ашуға көмектеседі. Сізде билік ететін жалғыз нәрсе-сіз қабылдайтын шешім және әртүрлі жағдайларды қалай жеңетінізге байланысты.