БІР ЖЫЛ ӨТТІ...

Бір жыл өтті –

Сағыныштан жанарымда жылап мұң,

Бір жыл өтті –

Іштей тынып, тек өзіңді ұнаттым.

Бір жыл өтті –

Қиялымда жел боп сүйіп ерніңнен,

Бір жыл өтті –

Арманыммен өзімді алдап келдім мен.

Ұғамысың уақыттың мені үгітіп жатқанын,

Ақ дұғамда – амандығың, алаңдатпас басқа мұң.

Үміт өзі үзбей жүрген өзің жақтан күдерін,

Бұл сезімнің қайыры жоқ, білемін ғой… білемін.

Білем, менің бұл да болса маңдайдағы тағдырым,

Өлең болып өріледі өзің жайлы жан-мұңым.

Оралардай боп тұрасың біз қош айтқан күзде сен,

Ақшам түсе жырымды оқы, егер мені іздесең…

Біз жайында түрлі аңыз шығарады ел енді,

Өйткені олар махаббатқа ақ ниетпен сенеді.

Сенші , күнім, менде соған иманымдай сенейін,

«Тым болмаса, жүрегімді ал… жүрегімді берейін!?»

                                   2012жыл,Тамыз