«БАЗАРБАЕВТАР» ТАҒЫ ДА «31 АРНА» КӨРЕРМЕНДЕРІН ҚУАНТУДА!

Қазақстандық қарапайым «Базарбаевтар» отбасы туралы ситкомның «31 арнада» 2012 жылдың көктеміндегі тұсаукесері 13% үлесімен және 3,5% рейтингімен үлкен табысқа жеткенін өздеріңіз білесіздер. Кейіпкерлер біздің көрермендерге жағып, отбасының әр мүшесі жақын адамға айналды. Ал, жақында «31 арна» қазақстандық ситкомның көптен күткен екінші маусымының түсірілімін аяқтады. Бұл ситкомды жасауға ресейлік және қазақстандық шоу-бизнестің ең дарынды қайраткерлері атсалысты, соның ішінде СТС- медиадағы біздің әріптесіміз Стас Булов та бар. Сценарийін жазғандар Нұрлан Қоянбаев және оның КВН-дық достары Нұрдаулет Шертім мен Жаммид Көшербаевтар.

Сіздерді жақында болатын «Базарбаевтардың» 2-ші маусымының күзгі тұсаукесері күтуде!

Ал, әзірше біз Сіздермен қуанышты хабармен бөлісеміз, қараша айының алғашқы күндерінде «Базарбаевтар» телехикаясының 1-ші маусымындағы барлық топтамаларады сағат 19:30-дан 20:00-ге дейін тамашалай аласыздар!