КІТАП

М.Әуезов,С.Мұқанов,Ғ.Мүсірепов т.с.с. жазушылардың әйел теңсіздігіне көбірек қалам тартқаны байқалатын шығар? Бірақ әр шығарманың өз мән-мағынасы бар. Ғ.Мүсіреповтің «Тулаған толқында» әңгімесін оқи отырып, оның «Қорғансыздың күнінен» қандай айырмашылығын барын сараптап шықтым. Ғазиза расымен қорғансыз болса, Шәйза нағыз батыл,ержүрек.Бірақ екеуі тағдырлас.Оқырманның көңілінен ә дегеннен шығады. 

«Тулаған толқында» жазушының алғашқы шығармасы. Итемген,Оспан болыстардың озбырлығына шыдамаған Біржан мен Шәйза батыл қадамға барады,Бұл туралы автордың өзі былай деп жазған; «Бұдан қырық жылдай бұрын жазылған нәрсені қопара жөндеуді лайықсыз көрдім.Тек оқушыдан ұялар жерін кестім,босаңдығы да,балаңдығы да жетеді екен.Аяғы бұрын жеңістен кейін Шәйза мен Біржанның бақытты болуымен бітетін.Соның өзін тым олақ жазыппын,бұл жолы оан жеткізбей бостандық күресіне аттануларымен аяқтауды дұрыс көрдім.» Бәрі түсінікті шығар?
 Оқып болған соң «тоймадым» демеңіз. Өз ойыңызбен аяқтап,өрбіте кетсеңіз тіпті жақсы емес пе? Ол өз қиялыңыздан... 

«Қос Шалқар» «Алғашқы адымдар» екі әңгіме ұқсас келеді. Екеуі де бір ауылдың «былығы» жайында баяндайды. «Қос Шалқар» шағын,қысқа әрі нұсқа. Ал «Алғашқы адымдар» «Әр үйде», «Басқарма», «Оларда» , «Ақбоз ат» «Тұлып», «Молада», «Дүрлігу», «Үшінші жиналыс», «Моладағы сыр», «Сондықтан қаулы» бөлімдерінен тұрады. 

Ғасырдың ғаламат жазушыларының бірі,бірегейі Ғ.Мүсіреповті әр қазақ оқуға тиіс. Оқыңыз,ой түйіңіз!