Әдемі көйлектер, әшекей бұйымдар, сыйлықтар мен тәттілер... бәрі көздің жауын алады. Көптеген дүкен мен сауда орталықтарының іші осындай. Керек болсын, керек болмасын әрбір затқа таңдана, қызыға көз саламыз. Әсіресе қыз-келіншектер. Ал егер бізді қызықтырған, бірақ керегі шамалы нәрсе арзанға сатылып жатса (SALE?!), онда көп ойланбастан қалай сатып алғанымызды білмей қалуымыз да мүмкін. Яғни, ақшаны жоспарламаған нәрсеге жұмсадық деген сөз. Соған қарамастан әркімнің дүкен аралап, сауда-саттық жасауға қатысты өз ұстанымы бар. Ал мына айтылғандармен сіз қаншалықты келісесіз?
Мақсатсыз, яғни керекті заттардың тізімінсіз дүкен араламау. ‘’Арзанға сатылады’’, ‘’__ % жеңілдік’’ дегендер жарнаманың бір түрі. Қарның ашып тұрғанда немесе көңіл-күйің болмай тұрғанда дүкен араламаған жөн. Маусымдық немесе мерекелік науқан кезінде керек нәрсені бірден сатып алу керек. Дүкенді асықпай құрбыңмен аралаған жақсы. Дүкен аралауға белгілі бір уақытты арнап, одан артық жүрмеген жөн. Тауарды сатып алмас бұрын бағаларын салыстырыңыз.P.S. Әдеттегідей тақырыпқа қатысты бірнеше ағылшынша сөздер:
Go shopping
Shopping centre
Shopping list
Shop assistant
Shop around (for sth)
Мағынасын өзіңіз тауып көріңіз, ал білсеңіз басқалармен бөлісіңіз.