Атырау тағы қара жамылды

Көре алмады ма дара бағыңды,

Етті ғой ажал жара жаныңды.

Ақжайық жылап,аспан түнеріп,

Атырау тағы қара жамылды.

Түзеген ел ек тентегін текті,

Айдады-ау ажал,еркелік нетті,

Жол апаты боп,көлік ішінде,

Бес балаң бірдей өртеніп кетті.

Неге тым қысқа дәм салды жалған,

Қара сызықпен қоршалды арман.

Сарайшық жаққа саяхаттап ет,

Әттең-ай ажал қарсы алды алдан.

Ағайын-туыс дерт еміп тегін,

Қайғыға батты-ау өртеніп шерің,

Жұмақтан орын беріп оларға,

Кешірсін Алла қателіктерін..