Осы тағам түрін марқұм тәтем үйреткен еді. Кәрістермен көрші болып, біраз тағамды үйреніп алған екен кезінде.
Жалпы, бұл тағамның тегі кәрістердің ПЯНСЕ деген тағамынан тарайды екен. Анау төбедегі суреттегі сол))
Сонымен,
1-қадам: ашытқы қосып қамыр илеп, ашығанша жылы жерге қоямыз.
2-қадам: салма дайындаймыз.
- орамжапырақ 300 гр
- фарш - 300 гр
- пияз - 2-3 дана
- құйрық май -100 гр.
- тұз, қара бұрыш
3- қадам: Орамжапырақты майдалап турап, бір ас қасық өсімдік майы құйылған табаға сәл қуырып, бұқтырамыз.
Сәл піскен орамжапыраққа фарш пен өте майдаланып туралған құйрық майды қосамыз. Пиязды жұқалап турап, қоспаға араластырамыз. Салма дайын.
4- қадам. Дайын қамырды кішкентай ғана зуалаларға бөліп (шелпек пісіргендегі зуаладан екі есе кіші), әр бір зуаланы кішкентай шелпекше етіп оқтаумен жаямыз (оқтауды қатты бастпау керек, себебі қамыр отырып қалады).
5- қадам: шелпек ортасына салманы салып, бәліш жапқандай түреміз. Қамырды ортасынан түру керек)))
6-қадам: Мантықазанның әр табасын майлап, дайын пигодиларды тізіп, үстін сұйық маймен жағып, бір сағат көлемінде (манты секілді) пісіріп аламыз.
Дайын пигодиді сәбіз салаты және айранмен ұсынған дұрыс))
Ас дәмді болсын, қыздар))))