Мөңке бидің көрген түсі келді! Ақырзаман қашан болады? Ақырзаман! Осы сөз дүниені төңкеруге қауқары бар жалғыз ғана тылсым күш. Әлем халқының аяғын аспанннан келтіре алады. Менің ойымша, қазірдің өзінде ақырзаманның легі басталып кетті. Ас атасын аяққа тепкен тойымпаздар қаптады. Туған баласын, қойнындағы жарын саудаға салған ойымпаздар өріп жүр. Жыртыл қағазға жалданған көбелектер көбейді. Сорақасы сол Құдайға да керегі жоқ көгілдірлер көктеді. Аллаға күмән келтіріп, иманнан безгендердің қарасы көп. Ата-даңқты ойлап, айналасындағыларға көмек бермейтін азғындардың араны ашылды. Туған баурын зорлап, туысына үйленіп жүрген айуандар жетіп артылуда. Енді ойлап көріңіз ақырзаманды Алла жібермейді. Адамдардың өздері іргетасын құйып жасауда. Блог - maratkaniev: Мөңке бидің көрген түсі келді! Ақырзаман қашан болады? Қазақтың кемеңгер биі, от ауызды жырау Мөңке Тілеуұлы бір жылы түс көріпті. Сол түсін Сырым батырға жорытпақ болады. -Бір жолы бәйгеге 40 ат қостым, біреуі де бәйгеден келмеді. 30 ат қостым біреуі де келмеді. 5 ат қостым, төртеуі бәйгеден келмеді де, біреуі ғана қарақшыға аман жетті. Аман жеткені сол, келе сала пышаққа ілікті. Әлгі аттың ішін жарып жібергенімде, қасқыр шық-ты, қасқырды жарғанда түлкі шықты. Түлкіні жарғанда,қоян шықты. Осыны жорып берші, — дейді Мөңке би. Сырым түс жорудың жолын Мөңкенің ұзатылып кеткен қызына беруді ұйғарады. Бірақ, ол би үш рет шақыру жібергеннен кейін әрең келеді. Қыз түстің жайын білген соң Сырымға: Түсті жездеңе жорытпа, жиеніңе жорытпа, әйелге жорытпа деген сөз бар еді… Сонда да айтайын, — дейді. — Түс адал түс, қияли түс, шайтан түс деп үшке бөлінеді. Мұны қай түске жатқызарымды білмеймін, бірақ оның шешуі мынадай: «40 ат дегеніміз — мұсылманның 40 парызы орындалмай қалатын заман болады екен; 30 аттың бәйгеден келмей қалатыны — 30 күн ораза ұстамайтын заман туады екен; 5 аттың төртеуі келмей, біреуі келгені — бес уақыт намаз қаза болып, оны біреу оқып, біреу оқымайтын кез келеді екен; қасқырдың шықканы — кісінікін тартып алып, ұрлап жейтін зорлықшыл заманның туатыны шығар; Түлкі шықканы — алдаушы мен арбаушы көбейетін, түлкідей бұлаңдаған заманның күтіп тұрғаны шығар; қоян шыққаны — ұрпақ үрейленіп өсетін, көлеңкесінен қорқып жүретін заман болар». Осыны айтып болғаннан кейін Мөңке бидің қызы: — Маған түс жорытқандарыңыз қате болды, күндердің күнінде әйел билеген заман келеді. Ол заманда әйелден ұят кетеді, еркектен намыс қашады, менің үш рет шақырғанда зорға келуімнің сыры осында еді депті. Сөйтіп, қызыл тілді жырау кейіңгі ұрпаққа өсиет қалдырыпты: