Әділеттілік - жоқ

Атақты матадор Альваро Мунеро өгізбен кезекті бір айқасында отырды да бетін басты. Бәріне өкінген, өзегі өртенген қалпын бүкіл жұрт көріп тұрған еді.

Бәрі де өгіздің айқас алаңында кенеттен өкіре жылағанынан басталды. Өгіз өзінің де жан иесі екенін айтқысы келгендей, адамдар оны сонша қинайтынына наразылық көрсеткендей... Бір суреттің өзінен оның зарын көруге болады.

Мунеро:

- Бір кезде алдымда тұрған өгіздің көзін қарай алдым. Ол да маған жалтармай қарап тұрды. Оның маған шабуылдайтын ойы да жоқ еді. Сол көздерден өзгеше бір ой ұққандай болдым. Ешқандай да жамандық тілемейтінін, дүниеде әділеттіліктің жоқтығын айтып, зарын төкті. Мен өзімнің жер бетіндегі ең сұмырай мақұлық екенімді ұқтым да сайысты аяқтадым.