Махаббатпен жаратқан адамзатты...
блог
Мына оқиғаны ғаламтордан оқыған едім, үлкен әсер қалдырды. Сіздерге де ұнайды деген ойдамын. Психологиялық тренингте әйелдерден «Күйеулеріңізді жақсы көресіздер ме?», деп сұрайды. Бәрі қолдарын көтереді. Келесі сұрақ: «Жарыңызға соңғы рет қашан сүйемін деп айттыңыз? » болды. Біреулер бүгін, біреулер кеше, кейбіреулерінің тіпті есінде жоқ болып шықты. Олардан «Қымбаттым, мен сені сүйемін!» деп күйеулеріне SMS жолдауын сұрады. Содан, әйелдер бір-бірімен телефондарын алмастырып, келген жауапты оқи бастады:
- Бұл кім?
- Ах, балаларымның анасы, ауырып қалған жоқсың ба?
- Мен де сені сүйемін!!!
- Не болды? Көлігіңді бұзып алдың ба?
- Түсінсем бұйырмасын, менен не қалайсың?
- Тағы не бүлдіріп қойдың? Енді сені кешірмеймін.
- ?!?
- Айналшықтап жүріп алмай, неше доллар керек, соны айт.
- Түсім бе, өңім бе?
- Егер дәл қазір мына хаттың кімге арналғанын айтпасаң, кісі өлімі орын алуы мүмкін...
- Саған ішпе дедім ғой, бұлай жалғаса берсе, ара қатынасымыз үзіледі!
- Не қалап отырғаныңды білмеймін, бәрібір «Жоқ!» деп жауап берем...
Ал сіз сүйемін деп, соңғы рет қашан айттыңыз?
P.S: Адам өміріндегі осы бір керемет сезім жайлы айтуды ұмытпайықшы...