Жазың қайда, жапырағым?
Жаз әнін
Сезіндік қой айта алмаудың азабын!
Сезім деген – шұғыласы бояудың:
Жасылын да, қызылын да, бозаңын,
Сарысын да, қарасын да, әппағын,
Жылдар бойы жүрегімде сақтадым,
Сан алуан сол бояулар ішінен,
Сені сақтап қалар түсті таппадым!
Жапырағым, жанарында күн күлген,
Тастай алмай, қош дей алмай жүрмін мен,
Сенің жазда қаларыңды кім білген,
Күзге жалғыз барарымды кім білген?!
Ерлан ЖҮНІС