Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Мен үшін орны ерекше тұлғалар

Мен үшін орны ерекше тұлғалар

Мен үшін орны ерекше тұлғалар

Ең алғаш мектеп табылдырығын аттаған кезімнен бастап білімнің терең нәрімен сусындатып, менің бүгінгі өмірімнің жарқын болғаны аяулы ұстаздарымның арқасы. Осыдан екі жыл бұрын алтын ұя мектебіммен, парасатты ұстаздарыммен қоштасып, үлкен өмірге қадам бастым. Мен үшін білімін аямай, жақсы шәкірт етіп тәрбиелеген,  Алматы облысы Еңбекшіқазақ ауданы Ащысай ауылы  Ш. Уәлиханов атындағы орта мектебінің ұстаздар қауымына айтар  алғысым шексіз.

Әліппенің сиқырлы әріптерімен таныстырып, қолға қалам ұстауды үйреткен ең алғашқы ұстазым - Үмбетбекова Сәуле апайымның орны мен үшін қашанда ерекше.  Еркелігімді кешіріп, ойын баласын ойлы бала еткен ұстазымның ұлағатты сөздері санамда әлі күнге дейін жаңғырып тұр. Сәуле апайымның арқасында белсенділікті, біліктілікті үйрендім. Ал  5-сыныптан бастап, «Тарих» пәнінің түпкі сырын ұғындырып, жақсы мен жаманның ара-жігін ажыратуды үйреткен сынып жетекшім - Байыспаева Айсұлу апайымның маған айтқан тағылымдары өміріме мың жылдық азық. 11 жыл маған білім беріп, әр пәнді жете түсініп, толық меңгеруіме бағыт-бағдар берген – Бөлекова Нұрзия, Мұқанова Рахила, Нұрманбетова Баян, Байыспаева Әлпеш, Бөлеков Шамит, Көдекова Күлсімхан, Нұрақова Баян, Қағазбекова Халида, Садыбеков Руслан, Көдеков Ерлан, Қаужанова Гүлжан, Құлбаева Жадыра, Әмірақынова Гүлбану, Исабекова Шолпан, Торгеев Айдос, Жазықбекова Айгерім, Жанаманов Игібай, Ибраимова Гүлмира сынды ұстаздарыма басымды иіп, мың алғысымды білдіремін. 

Бауыржан Момышұлы айтпақшы: «Ұрпақтарды ұстаздар тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді». Ұстаз – қасиетті тұлға, бала жанының бағбаны, мектептің жүрегі, ол жайлы айтылар сыр да, жыр да көп.  Мереклеріңіз құтты болсын аяулы ұстаздар!

 

6
Рейтинг: +2

Жазылған уақыты: 03 қазан 2013, 15:41
Тегтер: Мектеп, ұстаздар

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.