7 мамыр мерекесі құтты болсын, ер жігіттер!

жеке
блог

07 мамыр 2012, 13:37

Жігіт сыны: бір жігіт бар - құр жан, бір жігіт бар - тірі жан, бір жігіт бар - жігіт жан. Құр жан дейтін жігіт - кеудесінде жаны бар, еш нәрсені бітірмейді. Тірі жан дейтін - бар тапқанын киім мен асқа салар, қызыл белбеу, шоңқима етік, үкі тағып, әркімді бір сықақ қылар. Жігіт жан дейтін жігіт - сегіз қырлы, бір сырлы болар.

Шал Құлекеұлы

Достар, сәлем!

Бүгін - 7 мамыр. Отан қорғаушы ер азаматтарымыздың мерекесі де келіп қалыпты.

Әлбетте, жігіттер, сүйеуіміз де, тіреуіміз де - сіздерсіздер! Сіздерге қанша базынамызды ақтарып, бітіспей уәж айтсақ та, сіздер болмасаңыздар, біз кімбіз, солай емес пе, қыздар? :)

Осы бір айтулы мерекелеріңізбен құттықтай отырып, сіздерге жалғанның бар жақсылығын тілейміз!

Жігіттер қауымы - айтқанынан қайтпайтын қайсар халық. Өр қауым. Ойлаған армандарыңыз жүзеге асып, мақсаттарыңыз орындалсын! Нәзік жандыларға үнемі тіреу болып, аман-есен жүре беріңіздер!

Айтпақшы, біз бүгін сіздердің жаратылыстарыңыздың кейбір жұмбақтарын біліп алдық :) Сырларыңызға бойлау арқылы сіздерге деген ыстық ықыласымыз одан әрі ашыла түсті.

Массагеттің жігіттері, осы бір қайсар, рухты қалыптарыңнан қайтпай, азамат деген арлы атаққа лайық болып жүре беріңіздер демекпіз!