Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Кітап оқудан жалықпау

Кітап оқудан жалықпау

Кітап оқудан жалықпау

Көп адамда бір күнде есепсіз әріптер саны ажыралмай жұтыла береді екен. Қызық мақалалар, жұмысқа қатысты кәсіби әдебиет, қажетсіз флуд, өзін дамытуға арналған мәтіндер. Бірақ, соларды оқудан ешкім “ләззат” алмайтын сияқты. Кітап оқуды мақсат еткен адамдар осы күйге жетпей тұрып, неше түрлі әдебиетті талғамай жұта берсе керек. Дегенмен, ол саналы әрі ойлы, “ләззат сыйлайтын” оқу еді. Ал қазір кітап оқуға уақыт табу үшін тәуліктегі жиырма төрт сағаттың өзі аздық ететіндей. Бірнеше артық сағат қосылса, барлық көздеген кітабын оқып тастайтындай елестетеді. Бұл оқу жылдамдығы мен сапасын арттыруға арналған мақала емес. Керісінше, оқудың сиқырлы магиясын жоғалтып алмауды көздейді.

Кітап оқудан жалықпау

© фото

Бәрі бірнәрсеге тіреледі. Әркім кітап оқудан ләззат алуы тиіс. Кітап – өмірлік ұстаз және әркімнің өмірін өзгерте алады. Ешкім кітап оқудың гиганты емес, бірақ әрбір адам кітапты ұқыпты әрі бар ынтасымен оқуы тиіс. Көп адамдар кітапты көп оқығысы келетінін, бірақ қалай бастау керек екеніндігін білмейтінін айтады. Лео Бабута осының сырына үңіліп көрген екен. 

Осыны оқыса, көмектесетін шығар. 

1. Кітапты міндет болғандықтан емес, ләззат алғандықтан оқы.

Кітапты таныстарыңның бәрі оқығаны үшін оқуға тырысудың қажеті жоқ. Достарыңның арасындағы әңгімеден шеттеп қалмауға әрекеттеніп, өзіңді қинап, әріптен әріпті ажыратпай, мағынасыз жұта берудің зиян екенін ұмытпа. Өзіңе қызық кітаптарды тауып ал да өзің барғың келетін әлем туралы оқуға тырыс. Егер кітап бұл талаптарыңа жауап бермесе, әуре болма.

2. Оқуға уақыт табуға тырыс.

Кітап оқуға уақыт табу көбіне қиын. Жұмыстан шаршайсың, әр уақытың есептеулі, жақындарыңа көңіл бөлу керек; әлемнен шет қалмау үшін интернетте сағаттап отырасың, теледидар қарауға көп уақыт жұмсайсың, қажетсіз мақалаларды бірінен кейін бірін кезексіз жұта бересің; таусылмайтын сериалдар қарайсың. Кітап оқуға күніне кішкене уақыт бөлуге тырыс. Мейлі ол 10 минут қана болсын, – ең құштарлы 10 минут. Кейін әдетіңе айналғанда, ол уақытты 20-30 минутқа көбейтуіңе болады. Агентте, скайпта достарыңмен қажетсіз әңгіме соққаннан, осы әлдеқайда пайдалырақ. Ақырында, кітапты қолға алып әжетханаға кіріп кетсең де ешкім саған кедергі келтірмейді.

3. Оқығанда, ештеңеге көңіл аударма.

Кедергі болатын барлық нәрседен алысырақ жайғас. Тыныш әрі бейбір орын тауып ал. Өзің таңдаған кітабыңмен бетпе-бет қал – сен және кітабың. Егер қолың бір нәрсе жасауға талпынып отырса, бір пиала шәй ішумен алдарқат. Барлық электронды құрылғылардан аулақ отыр. Еліктіретін факторлардың сенен барынша алыста болғаны дұрыс. Бәрінің де алдында планшет, ноутбук қосулы жатса, поштасын тексеруге еліріп тұратыны бар. Сондықтан, кітаптың е-нұсқасынан гөрі, қағазды нұсқасын таңдағаның абзал. Өзіңе ыңғайлы бұрышта оқып, ешкім және ешнәрсе кедергі келтірмеуі үшін.

4. Оқуды ештеңеге қарамай ұнат.

Сен өзіңді дамыту үшін, не өзгелердің көзінің алдында ақылдырақ көріну үшін оқып отырған жоқсың. Сен оқудан ләззат алғандықтан, оқып отырсың. Кітап оқудың магиялық күші бар және ол сенің өміріңде көп нәрсені өзгерте алады. Жыл сайын қайта-қайта оқып, әрбір әрібін жаттап алған кітабыңнан әр оқыған сайын бәрібір жаңа ой таба аласың. Кітап оқу сені өзгертеді, жаңа ойларға жеткізеді, кездейсоқ әрекеттерге итермелейді. Кітап оқуды ештеңеге қарамай ұнатсаң, әйтеуір бір оқиғаның боларына сен.

5. Оқуды әлеуметтендіруге тырыс.

Өзіңнің кітап оқуға қызығатын достарыңды тап, басын қос. Онлайн достар тапсаң да болады. Олардың бәрі ой бөлісіп, оқыған кітаптарың туралы сөйлесуге әрқашан дайын. Өзіңнің кітапсүйерлер клубыңды ұйымдастыр. Кітапқа қызығушылық тек қана жеке емес, әлеуметтік болуы мүмкін екенін ұмытпа.

6. Оқуды әдетке айналдыр.

Күнделікті кірбің тірлікте кітап оқуға арнайы уақыт бөл және сол уақытты әдетке айналдыр. Ол күніне 5-10 минут та болуы мүмкін. Күнделікті бөлінген уақытың әдетке айналған сайын, оқудан ләззат ала бастайсың. Өзіңді кітап оқуға итермелейтін нәрселердің тізімін де жасап алғаның дұрыс. Сол тізімнен, күнделікті әдетіңнен ауытқымауға тырыс.

7. Атүсті, шала оқыма.

Оқуды өзіңнің күнде жасайтын міндетті жұмысыңа айналдырма. Оған тезірек аяқтайтын тапсырмалар тізіміндегі кезекті шаруа деп қарама. Ұмытпа, ол өзіңді дамыту жоспарындағы орындалуы тиіс пункт емес. Оқыған кітаптар тізіміңді көбейту үшін де әуре болма. Кітап оқу сенің өміріңді қызықтырақ ету жоспары бойынша жасалуы тиіс.

8. Егер кітап жалықтырса, лақтырып таста.

Кітап оқу міндет болғандықтан емес, ол процестен ләззат алғандықтан оқы. Егер кітап қызық болмаса, лақтырып таста. Кітаптың алғашқы тарауында жалыға бастасаң, ойланбастан келесі кітапқа көш. Мүмкін бұл кітап сен үшін емес шығар. Мүмкін қазір бұл кітаптың уақыты емес шығар. Есіңде сақта, кітап оқудан ләззат алуың керек.

9. Өзіңе қызық кітаптарды ашуға тырыс.

Оқылған кітап туралы өзге кітапсүйер достарыңмен ой бөліс. Кітапқа жазылған рецензиялар мен шолуларды оқы. Кейде болса да кітап дүкендері мен букинистік дүкендерді аралап шығуды ұмытпа. Дәл сол жерлерде өзіңе қызық кітаптарды тауып ала аласың. Кітапхана – тыныштық пен кітап оқудың магиялық күшін сездіретін нағыз кітап храмы. Ол жердегі кітап парақтарының ашылған даусы мен иісінің өзі жалықтырмайды.

10. Оқу жылдамдығын ойлап, әуре болма.

Кітапты жылдам оқу біреулерге қызығырақ көрінуі мүмкін. Бірақ, асықпай оқу да жақсы. Оқылған кітаптардың саны мен ол кітаптарды оқуға кеткен уақыттың ешқандай пайдасы жоқ. Кітап оқу жарыс емес. Кітап оқудан ләззат алғалы отырсың, ендеше асықпа. Бұл тамақ жеу не қыздың көңілін табу сияқты асықпай жасалатын процесс. Процестің өзінен ләззат алу керек. Асықпай, әр сөйлемнің ләззатын толығымен сезіп, түсініп оқы.

Түпнұсқа: [ағылшынша], [орысша]

Ал, сен өз оқыған соңғы кітап туралы не ойлайсың? Ойыңмен бөлісе отыр 

Жазбаның түпнұсқасы

14234 0
Рейтинг: +2

Жазылған уақыты: 03 ақпан 2012, 15:47
Тегтер: кітап оқудан жалықпау, кітапхана, нұсқаулық, кітап, аударма
Пікірлер
+0
03 ақпан 2012, 16:21

менің осы кітап оқуға деген аллергиям бар. неге десең, мектептегі әбедиеттен беретін мұғалім қатал болатын ) соның әсері ау деймін.

Бірақ....
Мына жазбадан кейін кітапқа ынтам ашылып тұр. Қандай қызық кітаптар бар? Не оқуға кеңес берер едің. Тек нудный емес))

+0
03 ақпан 2012, 16:28

қай жанр ұнайды? қай

+0
03 ақпан 2012, 16:28

қай тілде оқи аласың?

+0
03 ақпан 2012, 16:30

орысша, қазақша, психология, социология, жалпы қоғам туралы..... танымдық кітаптар болса тіпті жақсы. Көркем әдебиеттен гөрі

+0
03 ақпан 2012, 16:40

мына тізімді қарап шық, мүмкін бірдеңе ұнап қалар: http://slon.ru/2011/books/

+0
03 ақпан 2012, 16:44

ана тізімдегілердің электрондық нұсқасы жоқ қой деймін. Буксторлардан іздеп табу керек дейсің ғой... Үлкен Рахмет)

+0
03 ақпан 2012, 16:49

болмаса, барлық социологтардың сүйікті кітабы, атақты Хантингтонның "Өркениеттер қақтығысын" оқы :) Фукуяма, Фуко деген авторлар да жарайды :)

+0
03 ақпан 2012, 16:21

Бәрін айт та бірін айт! Жүсіпбек Аймауытовтың Ақбілегі ұнады...

+0
03 ақпан 2012, 16:56

Ал мен Ғабит Мүсреповтің "қазақ солдаты" романындағы Қайрош образына "ғашық болғам". (Соны тағы бір оқып шықпасам)

+0
03 ақпан 2012, 16:59

абайла, бұл жолы жек көріп кетпе :)

+0
03 ақпан 2012, 16:35

оқудың сиқырлы магиясын да, сиқырсыз магиясын да көрейік

+0
03 ақпан 2012, 16:42

сиқырсыз магиясының ұнай қоюы екіталай шығар енді )))

+0
03 ақпан 2012, 18:48

өшірсей енді ана басы артық сиқырлы дегенді Жалғас Ертай мен Ертай Жалғас деген сықылдыыыыыыыыы

+0
04 ақпан 2012, 10:18

басы артық деп ойламаймын

+0
03 ақпан 2012, 16:38

Қоса кетейін. Өзіңнің тағдырыңа ұқсас тағдырды оқысаң, кітап сенің ең сүйіктіңе айналып шыға келеді. Мәселен қазір Софи Кинселланың "Богиня на кухне" атты кітабын тамсанып оқып жүрмін. Кітаптың бас кейіпкері Самантаға ұқсаймын. Немесе ол маған ұқсайды )

+0
03 ақпан 2012, 16:41

немесе бір-біріңе ұқсайсыңдар. немесе сен ол саған ұқсайды деп ойлайсың. немесе ол саған ұқсау үшін де жазылған шығар. немесе ешкім ешкімге ұқсамайды, бірақ сен солай ойлайсың :) уақақа!

+0
03 ақпан 2012, 16:42

Жақсы жазба екен! Мен мектепте оқып жүрген уақытта әдеби кітапты көп оқитынмын. Сол кезде мен үшін құрбым да, досым да оқитын кітаптарым болды. Ауылда свет сөніп қалғанда аулада отырып оқитынмын. Кейін қалаға келген соң кітап оқуды қойып кеттім. (Қазір кітап оқымайтыным үшін өзімнен өзім ұяламын). Мына жазба менің кітап оқуға деген құштарлығымды қайта оятуға серпін болатын сияқты.

+0
03 ақпан 2012, 16:47

бәріне қала кінәлі екен ғой :)

+0
03 ақпан 2012, 16:51

Енді... ауылда кітап оқымағаннан басқа не істейсің? Оны үстіне мамам кітапханашы болса))))

+0
03 ақпан 2012, 16:46

Кітапханадағы сілтідей тыныштық пен ескі кітаптардың иісі ондай ұнайды)))) рас айтам.

+0
03 ақпан 2012, 16:48

еш күмәнім жоқ :)

+0
03 ақпан 2012, 17:38

айпақшы, Жалғас, су жаңа блогың құтты болсын! )

+0
04 ақпан 2012, 10:19

рахмет, су жаңа блогымды енді су басып кетіп, сол күйі қалып кетпесін деп тілейін өзіме :)

+0
03 ақпан 2012, 17:58

бұрын бір кітапты бастасам, бітіргенше тыным таппайтынмын. Қазір бірнеше кітапты қатар оқитын болғам. Жағдай солай болып қалады... Сосын ана кітаптың кейіпкерлері мына кітаптың оқиғасына араласып кетеді ғой. Дегенмен, жалықтырмайтын кітаптарым бар. қанша қайталап оқысам да

+0
03 ақпан 2012, 18:45

Бұрын мен де көркем әдебиетті қызыға оқитын едім. Қазір уақыт тапшы ма білмеймін, жалығып кетем. Оқымай жүрмін десем де болады көркем әдебиетті. Ал қазір қызығушылығым танымдық, психологиялық, әлеуметтік тақырыптарға ауып жүр.

+0
03 ақпан 2012, 18:49

Керемет!!! Мен әр түрлі жанрлардағы кітаптар оқығанды ұнатамын, нағыз маған керек қағида екен және осыны пайдалана отырып достар Сіздерден сұрарым қандай орыс-ақын жазушылардың шығармаларын білесіздер, айтыңыздаршы??? Әсіресе, трагедиялық мазмұны бар шығарма болса тіптен жақсы. Алдын ала рақмет)

+0
04 ақпан 2012, 10:20

чеховтың барлық әңгімесі мен пьесалары

+0
03 ақпан 2012, 20:39

кітап жақсы... Оқысаң жақсы... Оқуға уақыт тапсаң жақсы... мына Алматыда кітап емес, жұмыс тапсаң жақсы...!!! Жалпы, пост жақсы. Бірақ, санамды тұрмыс билеп жүр аптадан асты.

+0
04 ақпан 2012, 10:22

сенің бір өзіңнің басыңда сондай болса, осы жерде тұрып сені қаралайтын едік... ал, былай, бәрінде солай :)

+0
03 ақпан 2012, 23:36

еееее өткендегі сұрағаның осы үшін беееее)))))
ақылың көп екен ғойиии:))))

+0
04 ақпан 2012, 00:45

Кітапқа бара жатсам, алдымнан ноутбук күліп тұрады. Қалайша оған көңіл бөлмеймін? ))

+0
04 ақпан 2012, 10:22

ортақ проблема, менде де соңғы 2-3 жыл солай :)

+0
04 ақпан 2012, 02:06

Өзін бағыттау түрғысында жақсы екен ақылдары. Бір нүктеге ойыңды тоқайластыру үшін. Тек сегізінші ақылын автор басына шайнап жақсын. Лақтырып тастай берсең, кітап шақ келе ме? кітап оқу ермек емес, ол жұмыс. Сондықтан да өзіңді зорлап оқытатын кезің болады. Ермек дүние деген жеңіл желпі кітаптар ғой.

+1
04 ақпан 2012, 10:23

меніңше, сіз мына мәтінді де жұмыс үшін оқыған сияқтысыз, мағынасын толық түсінбепсіз... уақақа!

+0
04 ақпан 2012, 14:53

Тамаша екен. Барлық кеңестер 100 пайыз ұнады. Тек "кітапты ләззат алу үшін оқу" идеясы бірнеше жерде қайталанып кетіпті. Соңғы оқыған кітабым - "Сарторис" (У. Фолкнер).

+0
04 ақпан 2012, 22:42

Сынды қабылдай алмайтын блогерлер де болады ғой. Түсінбегенімді қалай дәлелдейсіз? Керек кітаптарды лақтыра лақтыра қазақ жастары топастанып кетті емес пе? Бұны да жұмыс дерсіз мүмкін.

+0
05 ақпан 2012, 03:22

кітап оқу міндет емес, ермек. әркімнің ермегі әртүрлі. жастардың топас екендігі туралы дау - мәңгілік дау. скораттың өзі жастарға ырза болмай кеткен. ештеңе де болған жоқ, адамзат ол өмір сүрген екі мың жылдан кейін эйнштейнді де туғызды. екі мың жылдан кейін туғызатынына сенімдімін.

+0
06 ақпан 2012, 11:23

Жалғас, сәлем. Менің кітап оқымағаныма біраз болды. Қазіргі заманауи қазақша кітаптарды оқығым келеді. Негізі соларды қалай қадағалауға болады? Актуальный дегендерін, мысалы... Мүмкін соған бір пост арнарсың)

+0
06 ақпан 2012, 11:36

Мен де сол заманауи кітаптарды қазақша оқығым келеді :) Тізім жасаймын деп айта алмаймын, бірақ өзім білетіндерімді тізіп көруге болады.

+0
06 ақпан 2012, 11:39

Жарайды :)

+0
07 ақпан 2012, 15:19

Оралханды қайта бір оқып шығып жатырмын.

+0
13 наурыз 2012, 15:24

Оралханды оқыған сайын жаңалық ашам )

+0
05 желтоқсан 2012, 14:29

Кітап оқу туралы жақсы жазылыпты. Кітап оқудан ләззат аламын, бірақ ермек үшін оқи алмаймын. 8-ге келіспеймін, егер олай лақтыра берсем, менің кітапқа деген қызығушылығым оянбас еді

+0
08 ақпан 2014, 22:18

мықты жазыпсың

+0
08 шілде 2016, 18:08

Маған шет елдің немесе ана тилиндеги фантастикалық жанрдагы кітаптар ұнайды)))

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев