жеке
блог

Біртүрлі....


Сен сұлу-

Суретші салатын мүсіндей.

Сұлу Cен -

Шындыққа айналған түсімдей.

Екеуміз тілдескен түндер-ай,

Түсініп....  Түсінбей.

 

Жыр тұнды…

Дәл сенің тұп тұнық көзіңдей.

Біртүрлі…

Ұғынып болмайтын сезімдей.

Екеуміз бір кешкен күндер-ай,

Жақындап бара алмай,

Тіпті де безінбей.

 

 

Әттең-ай!!!

Жататын түйіндер шешілмей.

Сәттер-ай…

Ауысып кететін есім кей.

Екеуміз өкпе артып жүретін кездер-ай,

Кешіріп... Кешірмей.

 

Әлде Сен...

Теңізбе ең телегей?

Хал кешем...

Желкені жыртылған кемедей.

Ай,Сенің тәкапар мінезің

Ақынды кейде елеп.... Елемей.

 

 

Өмір-ай!!!

Өтетін өзендей тосылмай.

Көңіл-ай!!!

Кедейдің қараша қосындай.

Екеуміз өкініп жүрмейік

Қосылып... Қосылмай.

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі