жеке
блог

“Көрші жігіт” не дейді? :)

«Көршінің қызы керемет еді,
Әкесі де оның жақсы адам.
Ауылдан біздің неге кетеді,
Ауа райы ма жақпаған?!»

Біраз жыл бойы хит болған осы әннің авторы былтыр бізге сабақ берді. Бекжан ағайға бойымызды үйретіп, біраз танысып алған соң, сұрай бастадық: «Көрші қызға қатты ғашық болғансыз-ау?», «Сол қыздың әкесімен араласушы ма едіңіз?», «Экологиялық аймақта тұрған ба, ауа райы жақпайтындай?» деп. Әуелі ағайымыз сәл жымиып алып, әңгімесін бастады: “Бұл әнді естігенде әркімнің өз «көрші қызы» есіне түседі. «Шығарманың жартысын оқырман жазады» дейді ғой. Сол сияқты әнді де түсіну – әр кісінің қиялына байланысты…» Қыздың әкесі ғой бізге қатты қызық көрініп тұрғаны :) Жасыратыны жоқ, осы әнді алғаш естігенде, мына жігіт әуелі қыздың әкесімен танысып, кейінірек барып қызын көрген екен деген сияқты версиялар болған бәріміздің ойымызда. Өңшең бір «галстук таққан, шалбарының қыры сынбаған» жаттанды әндерге үйреніп қалғандығымыздан болар, сірә?! Ал мынау олардан мүлде бөлек. «Әкелер институты деген жақсы дәстүр бар ғой қазақта. Ұнатып жүрген қызыңның әкесін көшеде көріп қалсаң, бойыңды түзеп, жақсы көрініп қалуға тырысасың. Оған деген қандай да бір қызығушылық қалыптасады адамда, бұл заңды нәрсе. Ал соңғы жолға келер болсақ, мүмкін өзімді солай алдағым келген шығар. Абитуриент кездегі аңғал көңілден туған ән ғой бұл. Негізі қазақшаны қазақшалаған қиын бәрінен де» деп ағынан жарылды Бекжан ағай. Бүгінгіше айтсақ, креатив болды мұнысы. Әйтпесе, атақты айтыскер ақынның «мақтаған, жаппаған, сақтаған» сынды ұйқастар таппағанына сенбейміз.

Иә, «Ұлылықтың өзі – қарапайымдылық» деген екен бір данышпан. Бәлкім, сол әкесі туралы тіркес, ауа райы жайлы сөз болмаса, біздің санада сақталмас па еді бұл өлең, кім білсін?! «Көлшінің қызы келемет еді» деп тілі шыққан бүлдіршіндер де болды. Не десек те «көрші жігіттің» әні көңілден шыққанын мойындауымыз керек :)

Бөлісу:
Пікір қалдыру үшін сайтқа кіріңіз
Өзгерту



ЕҢ ҚЫЗЫҚТЫ БЛОГТАР

Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі