ЕЛДІ ЕЛЕҢ ЕТКІЗЕР ЖОБА!

«Фобия» - ел назарын елең еткізіп, жүректі үреймен шым еткізер жоба. Аты айтып тұрғандай,  «фобия» («қорқыныш» мағынасындағы гректің сөзі) жобаға қатысушылардан біраз батылдықты талап етеді. Өйткені, сайыскерлер нақты нендей жағдаяттардың, қандай тапсырмалардың күтіп тұрғанынан бейхабар. Тіпті, қаншалықты қорқынышты, күрделі екендігін де болжау мүмкін емес. Берілген тапсырмаларды орындау үшін оларға жүректілік, ішкі дайындық керек. 
Қоңыз, шаянды жейтін жүректілерді, тышқан ұстап, өрмекшінің торымен арпалысқандар мен төбесінен жауған шегірткелерге де шыдас берген жандардың қобалжулы түрлерін, олардың қорқынышты сәттегі сезімдерімен күресін көре отырып, өзіңіздің де бойыңызды үрейлі сезім билей ала жөнеледі. Ал тапсырманы талапқа сай орындай алмаған қатысушылар кезегімен жобадан шығып отырады. Жоба соңында қараңғы қапастағы қорқынышты сезімін жеңе алған бір ғана жеңімпаз шетелге жолдама алады. 
Танымал жандардың үреймен арпалысқан сәттеріне куә болғыңыз келсе, «Фобия» бағдарламасын жіберіп алмаңыз!