Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Жаңа премьераларға шолу: Мелодрамалар шеруі 2

Жаңа премьераларға шолу: Мелодрамалар шеруі 2

Жаңа премьераларға шолу: Мелодрамалар шеруі 2

Достар, естеріңізде болар, өткен жолғы шолуда біз апта премьераларының арасында мелодрамалардың ерекше көптігін айтқан болатынбыз. Осы аптада шамамен сол жағдай қайталанып отырған секілді. Оған қоса бонус ретінде Голливудта түспеген екі бірдей мульфильм бар. Мұндай туындылардан қажып жүрсеңіз тұңғыш қазақстандық фэнтези деп желеулеткен «Аңыздар кітабы: жұмбақ орман» мен танымал актерлар түскен «Тұзақ» атты қылмыстық драма прокатқа шықты. Таныса отырыңыздар.

10 жыл / 10 лет спустя

IMDb көрсеткіші бойынша көрермендердің орташа бағасын алып отырған «10 жыл» бәз-баяғы махаббат тақырыбын қозғайды. 10 жылдан бас қосқан сыныптастар кездесуіне Джейк өзінің сүйіктісін ерте келеді. Өзге жұрт қызыға да, қызғана қарайтын жұп ә дегеннен-ақ сезімде жолдары болған жандарды көрсетеді. Алайда Джейк алғашқы махаббатын жолықтырады. Аяқ асты оянған естеліктерге қарсы тұра алмаған жігіт өзінің жар таңдауда дұрыс қадамға барғандығына күмәнмен қарай бастайды.

Айтпақшы, қыздар, фильмде Ченнинг Татум ойнайды :)


Сұлу ханым / Влюбленные

Еуропалық драма. Фильм бас кейіпкерлердің бірін Наталья Водянованың ойнауымен ерекшеленеді.

Жиырмасыншы ғасырдың 30-шы жылдары. Ұлттар Лигасының жоғары дәрежелі шенеунігі Солаль Женеваға келеді. Бұл қалада бас кейіпер ақсүйек әйел Арианамен танысады. Уақыт өте келе олардың арасында үлкен махаббат оянады. Құрғыр, өмір-ай десеңізші...

 

Нико 2 - Ұшқыш бауырлар / Нико 2

Жаңа жылға ойластырылып прокатқа шыққан отбасылық мульфильм.

Әкесі секілді Санта-Клаустың бұғысы болуды армандайтын көңілді де батыр Нико Жаңа Жыл қарсаңында достарымен, туысымен таңғажайып оқиғаға тап болады.

 

Оңтайлы сәт / Now Is Good / Сейчас самое время

17 жастағы Тессаның өзге жасөспірімдерден еш айырмашылығы жоқ. Оның да арманы бар. Бірақ өмірін шектеулі деп түснетін ол дәмін татып көргісі келетін дүниелердің тізімін жасайды. Ол тізімде есірткінің дәмін татып көруден бастап парашютпен секіруге дейін кірген. Алайда Адам атты жігітке ғашық болуы бүкіл жоспарының быт-шытын шығарады.

Фильмде Голливудтың үлкен үміт сыйлап және оны ақтап жүрген жұлдыздарының бірі Дакота Фаннинг ойнайды.

 

Дон мысық және оның басбұзарлары / Топ Кэт

Супер Мысық басқарған қаңғыбас мысықтар тобы полицияның жаңа бастығы, қас жауы - офицер Дибблге тап болады. Полиция Мысықтың тентектігін басып, сүйікті мекенін қуып шыққысы келеді. Бірақ Супер Мысықтың командасы құқық қорғаушылардан құтылудың жолын қалай да таба алады.


Көктемгі үміт / Весенние надежды

Кино саласының жілігін шағып, майын ішкен Мэрил Стрип пен Томми Ли Джонс түскен мелодрама.

Отбасылық өмірлеріне 30 жыл болған егде жұп «қартайғанда кәрі боз жорға шығыптыға» салып сөнген сезімдерін қайта оятпақ болады. Оларға ортақ достары доктор Фелд көмектеседі.


Тұзақ / Черный дрозд

Әдемілігі көз сүріндіретін Оливия Уайлд пен «Трояда» Гектордың рөлін ойнап біраз адамды сықсыңдатқан Эрик Бана түскен «Тұзақ» қылмыстық драмасы жолдарын Тағдыр тоғыстырған адамдардың өмірін суреттейді.

Эддисон мен Лиза казино тонап, қуғыншыларанан қашуға мәжбүр болады. Бұрынғы боксшы Джей отбасымен Алғыс күнін мерекелеу үшін үйіне келе жатады. Тағдыр бұлардың басын қосады. Енді олар Зұлымдыққа қарсы тұрулары тиіс.

Аңыздар кітабы: Жұмбақ орман / Книга легенд: Таинственный лес


Осы аптаның «бомбасы».

Қазақстандық режиссер Ахат Ибраевтың қазақстандық тұңғыш фэнтезиі. Жан Байжанбаев, Гүлнар Дусматова, Жаннат Қуанышева, Фархат Әбдірайымов, Дәулет Әбдіғапаров, Айгүл Мүкей, Димаш Ақымов, Айнұр Ниязова, Санжар Мәдиев, Азамат Әшімов секілді бірқатар үлкенді-кішілі актерлар түскен. Отандық киноөндіріске қолдау білдіремін деп жүргендер үшін жақсы мүмкіндік.

«Аңыздар кітабы: Жұмбақ орман» Баха мен Таха атты балаларына қарауға мұршасы жоқ кәсіпкердің ұлдарының қызықты оқиғаға тап болғанын көрсетеді. Әлдебір патшайымға көмектесіп, ақысына аналарын тірілтіп алуды ойлаған екі жасөспірім фантастикалық әлемге апаратын порталы бар орманға тап болады.

Бір жағынан ертегінің зұлым кейіпкерлерінің, екінші жағынан өгей шешелері жіберген баскесерлерден қорғанған екі баланың хикаясы үлкен-кішіге бірдей қызықты болуы керек.

Құрметті киносүйерлер!

Киностан алдын-ала хабарланған, бірақ дер кезінде прокатқа шықпай қалған туындылар үшін жауап бермейді.

Шолу Киностан сайтында жарияланған мәліметтер негізінде дайындалды.

Сіздерге тек қызықты фильмдер тілейміз!

Дінмұхамед Зиядин

10
Рейтинг: +4

Жазылған уақыты: 13 желтоқсан 2012, 20:37
Тегтер: аңыздар кітабы: жұмбақ орман, книга легенд: таинственный лес, тұзақ, черный дрозд, көктемгі үміт, весенние надежды, дон мысық және оның басбұзарлары, топ кэт, оңтайлы сәт, сейчас самое время, нико 2 - ұшқыш бауырлар, нико 2, сұлу ханым, влюбленные, 10 жыл

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.